فش اشي ابلاش الا العمى والطراش

جان نصار

الحوار المتمدن-العدد: 5015 - 2015 / 12 / 16 - 19:26
المحور: كتابات ساخرة
    

هادا المثل كانت امي دايما تقولي اياه. وكانت تقولي ياما يا حبيبي فش اشي ابلاش غير العمى والطراش, واللي بعطيك قرش بدو مقابله عشره , او مشان مصلحته يعني بدك تمرقلو تيمرقلك ,وتحكيلو تيحكلك وترقصلو تيرقصلك وتفوتلو تيفوتلك,وغطرشلو تيغطرشلك.
السعوديه امبارح وبحضور ولي ولي ولي عهد السعوديه الامير محمد بن سلمان الى القاهره جاب رزمة مساعدات لمصر وقال انو السعوديه راح ترفع الاستعمار عفوا الاستثمار الى 30 مليار ريال واحتياجات النفط لخمس سنين لقدام ببلاش او بسعر رمزي.
يا ترى هدا ببلاش ليش وشو في مخبى من وراء الكوليس وشو الهدف والغايه والمراد هاد الحب طج على اخواننا المصرين.اكيد هاي مش رشوي هاي كادو وهدية محبي.
ممكن يا جماعه مشان الولاء المصري وجيشها العتيد في دعم سياسات اشعال الحروب السعوديه بالوكاله, او انو ثمرة انتاج وثيقة الدفاع المشترك الجديده اللي من 34 دوله اسلاميه ومصر منهم وجيشها مشى الله حولو جاهز على الرموت كونترول السعودي.
في غير هاد الحكي ما اظنش انو افخاد السيسي حلوين وعيونه دباحه. ما اطنش كمان ان بس نكايه بالاخوان اللي السعودين ما بدهم اياهم رغم انهم طرف وذكرى25 يانير قربت مشان الجيش والراي العام يكون مدعوم ومركن ومخدرين انو في دعم , اللي راح بالاخير السعودين يخروهم اياه مسلات.
كل الدعم للارهاب المتأسلم على سوريا من السعوديه راح فشوش وبعد خمس سنين من تدمير سوريا هاي المعارضه تحت رعاية السعوديه بدها تحاور الاسد والنظام غير هيك ما في حل بالافق. وكل المليارات اللي صرفوها السعودين على الدمار كان ممكن تصرف على الاعمار.ما كان من الاول اسعو للحلول السلميه بدل كل هادا الدمار وخراب الديار.
السيناريو بتكرر في اليمن حرب كان مقدرلها 3 اسابيع هيها صارلها 10 اشهر والحوثين رغم خسارتهم صاروا يضربوا بالارضي السعوديه لانه على نفسها جنت براقش والارهاب صار باليمن على الابواب من كل التشكيله قاعده على داعش على حوثين على معارضه على جيش وكلوا بالاخير راح يطرطش على السعودين.
بالمختصر السعودين جابوا دب الارهاب لكرمهم.
الشغله صار بدها تعزيز ودعم ..من غير حبايبنا المصرين عنده مثل هذا الاحتياط البشري والعسكري مين مين يا ترى مين ووين الملاين.
طبعا اللي بجاكر بمؤخرته بخرى بلباسه يعني السعودين اليوم لازم يتقشفوا بعد ما تكشفوا.سعر برميل النفط اليوم ب36 دولار ومرشح ليوصل الى 25 دولار وكله مشان امريكا والاستعمار اللي عنه ما النا بديل ولا خيار.
اكيد ماراح اكتبلكم شعارات وعواطف وموشنات وتوجيهات وعيظات وانشأت لان العرب نايمن باحلى سبات.
يعني شغلات مثل لو صرفت هذه الاموال على التنميه والبنى التحتيه والتعليم والتقدم والابداع ومحاربة الفقر والجهل والبطاله وعن اعطاء الحريات والعداله الاجتماعيه والدمقراطيه كل هاي الشغلات احنا مستغنين عنها وما بدنا اياها ,منرفضها لاننا تعودنا على القمع والحكام المستبدين والدكتاتورين وخليها على الله اذا حلها من عنده هاي حلها واذا ما انحلت برضو بفرجها الله.
اوعو حدا يذكر فلسطين وتحريرها انا يا هالفلسطيني صار عندي حساسيه من هالموضوع واستكفيت شعارات لانه الفلسطينيه نفسهم اذا ما لاقوا الحل من مقولة ما بحك جسمك الا ظفرك ولا الله راح يحلللهم قضيتهم .. .يعني خليكو حكماء انفسكم ولا تركنوا الا على حالكم وما تستنوا الفرج من تحت الدرج.
قال هيك مظبطه بدها هيك ختم.
هيك شعوب نايمه بالعسل بدهم هيك حكام ويا قلبي لا تحزن.
يا جماعه الواحد هالقد فخور انو بنتمي للعروبه ومن الفرح والسعاده راح يطق ويفقع وخليك يا عم فالنتينو ارقع.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل