ارضاء النسوان محال ولا بأي حال

جان نصار

الحوار المتمدن-العدد: 5006 - 2015 / 12 / 6 - 18:49
المحور: كتابات ساخرة
    

كتير صعب انو الزلمي يرضي النسوان. يا جماعه هاي المرا معادلة كتير معقده ومشربكي ومتشعبه. ومن غير زعل وتحيز وتشنج ولا ربنا ممكن يفهم عليها.
شخصيا من يوم دخولي على عالم النسوان, اصبحت بخبر كان ,ضايع ومش مجمع من التوهان, دائم النسيان, وفي حالة خدران, وبعيد عن الواقع والزمان, والمشكله اسمي جان , حياتي في حالة معمعان.
شو اللي ورطني وخلاني انضرب على قلبي واتجوز, صدقوني مش عارف.لاء وال بتجينا دراسه وبتقول ان حياة الرجل العازب اقصر من حياة المتزوجين .نفسي اعرف من اخو هالفلاتي العالم النفسي او الاجتماعي اللي تفتق ذهنه وطلع بهاي النتيجه وعلى اي اساس.انا شايف بالعكس انو حياة المتزوجين اقصر والعن ومنيله بستين نيله وشحار والطام.
يا جماعه نكد النسوان بقصر العمر وبجيب الضغط وبرفع السكري واحتمال الاصابه بالجلاطات الدماغيه والقلبيه وارد بكل لحظه ,غير عن الامراض العصبيه اللي بسببوها . يعني الواحد بصير يتمنى انو يصاب بالايزهايمر النسواني يعني ينسى كل اشي اسمه صنف حوا ويتذكر كل الاشياء الباقيه او حتى ينسي كل اشي يللى لحدا جمع واتذكر. المهم تروق اعصابه.
بمقالي اليوم مش راح احكي كتير بالتفصيل لاني يا عزيزي القارئ قررت اكتب يومياتي ,تحت عنوان يوميات زوج مقهور وفيها راح اشرحلكم معانات الازواج وما يمارس عليهم من قهر واستبداد واستعباد واستكراد من زوجاتهم.
كل هاد لايماني انا والكثير من الازواج المنفتحين والمتنورين بالاساليب الحضاريه واللطافه والمعامله الحسنه تحت رفع شعار المساواه بين هو وهي ورفض لمصتلح المجتمع الذكوري اي البلطجه . منيح هيك تنشوف اخرتها وين راح توصل.
على فكره شخصيا انا عند اخرتها وبلعب بالوقت البدل الضائع يعني راحت علي ولهيك هاي مقالات تنفيس وفشة خلق .
بقولك في نيويورك فتحوا مول كبير وضخم جدا جدا لشراء الازواج من ست طوابق.
هناك بيتروح النسوان وممكن يشتروا زوج كامل الاوصاف هبلني اي على كيف كيفهم للنسوان .المهم يرضوا وينالوا الستسفاكشن.
وضع شرط انه في حالة الصعود الى الطابق التالي يمنع الهبوط الى الطابق الاسفل .
دخلت احدي السيدات على الطابق الاول وهو مليئ بالرجال ومكتوب هناك اعلان كبير ازواج لهم عمل ووظيفه يعني مش عاطلين عن العمل ولا صيع.
المرا قالت حلو كتير تنشوف الطابق التاني ,وطلعت وكمان طابق مليان رجال ومكتوب ازواج لهم عمل وبحبوا الاطفال .قالت المرا كتير حلو بس خليني اشوف الطابق التالت.
طلعت على الطابق التالت وكان مكتوب رجال(ازواج) لهم وظيفه وبحبوا الاطفال وبساعدوا في عمل البيت (الوظائف المنزليه)قالت المرا يا سلام ولا احلى منهيك بس معليش خليني اشوف الطابق الرابع, وطلعت وكان مكتوب ازواج, لهم وظيفه وبحبوا الاطفال ويساعدون في الاعمال المنزليه وعلى قدر كبير من الوسامه .قالت خلص شو بدي احسن من هيك وفكرت لاء خليني اشوف الطابق الخامس.
طلعت وكان هناك مكتوب ازواج لهم وظيفه وبحبوا الاطفال ويساعدون في الاعمال المنزليه وعلى قدر كبير من الوسامه ورومانسين يعني العلاقات الحميميه والجنس عشره على عشره.قالت با سلام خلص شو بعد بدي اكتر منهيك بس معليش خليني اشوف الطابق السادس والاخير شو فيو.
طلعت الطابق السادس وشافت ارمه واعلان هادا الطابق لا يوجد به رجال وازواج ومروا من هنا 35مليون و600 الف امرأه وهذا يدل على انو النسوان ما في شيئ يرضيهم .
يا عمي المرا بكون عندها زوج على المسطره اخلاق وشهامه وكرم ومعامله حسنه وقايم بكل مهامه الزوجيه والوطنيه واوامر يا حياتي وزي الخاتم بأصبعها وهات ارضيها لحوا الست بلقيس.
حلو عنا يا زهقتو سمانا وطلعت روحنا وياريت حدا عاجب.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل