شمالك ياشعب نايم ؟؟؟ ما تثور ! .

صادق محمد عبدالكريم الدبش

الحوار المتمدن-العدد: 5009 - 2015 / 12 / 10 - 18:15
المحور: مواضيع وابحاث سياسية
    

شمالك ياشعب نايم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ما تثور !
شنو هل دعاية المغرضة ؟...من كال أقصفوا ؟ ...صدفة ...تحاجينه ...جذب !... جلمة حبايب ! ...لا تحسبوها صدك !...وتورطونه بهلوكت !...فوك ورطتنه ؟...كلنه حبايب والنبي .. والحَجْي أوباما بنفسه شهد ؟! ...لا تكبرون الحجي ؟... لا تورطونة ...أحنه حبايب !!...من زمان !... المال بين الأهل والخلان !...ما ينكسم ! ...هو المال ..واحد !...ماكسمناه ! .... لا تصدكون بحجينه ؟ .... مثل ما صدكتوا !...بشغلة الأصلاح ؟؟!! ...هي قوانه !...أي نعم قوانه ؟...وندكه لشعبنه ...شوكت ما نحتاج !...نسمعها لليريد يسمعه ؟!... ندكها كلما زاد الغضب وأشتعلت النار !!؟... وسوالف الزلم بالليل !!؟؟ .... ما ينسأل عنها ؟بعد ما تطلع شمس ويصير غير اللي صار !! ... هذوله !..أحنه ... زلم خشنين !!...أي وأنتو عرفتونه ... وجربتم فعلنه ... وشفتوا مرامينا !! ههههه ...نسبح !...بالماي الضحل ...ومانخشه الغرك لو طاحت سفينتنه !!؟... لسسه ما عرفتونه ؟؟؟ ... بوكنه الكحل من عين الحديثات !!؟بس بشطارة بفعل التيوسة والأباليس ؟!!!...أي ..هي السياسه ؟!...غلب !..وخسارة ؟! وشطارة ... أي نلعب ..بالضمير !..والشرف !..وحتى بالدين ؟!!..نعم مو كلنه هي شطارة ؟..بس مو خسارة ... وزاودنه بدمكم أنتم هلمساجين ؟!!... ياأهل الشهامة والغيرة والنخوة ؟!!... بس هي السياسة !...لعب ..وغلب ..بس مو خسارة ؟! .. وأهل الغيرة ...مشمرين السواعد ..ويرخصون النفس والأنفس ..بيه يضحون ؟! حسبالهم !...المعركة ؟...معركة الشرف والعدل والدين ؟!!... ما حسبو !...أن السياسة !..هي لعب وشطارة !...بس مو خسارة ؟! .. أنتم تفدون الوطن والدين ؟!...صح ونشهد ألكم بصدك المراجل ...وصدك المايخونون ، بس هي السياسة فن !...مو أنتم تكولون ؟!... ولاجن السياسة فن ..ولعب وشطارة !...بس مو خسارة ؟!!!!...ومو شغلت شرف !....والناموس ..والدين ؟!...ونحامي عن حياض الوطن ...وعن النساوين.!!!... والله صح ياجماعة !...يا أهل النخوة ...وأهل العرف والدين !...كله صح ...ولكن السياسة فن وشطارة !...بس مو غلب وخسارة ؟!! ... هو صحيح الشعب ..تورط من أنتخبنا ؟!!.. بس أحنه !..كلشي جبناله ... الحرب ..والطائفية ..والأموال اللي نهبناها ؟!...ما يحلم بيه حتى قارون ؟!... جبنالك أحسن هدية ...داعش ..وفاحش ..وجبهة النصرة ..والميليشيات !... أي الميليشيات ...السوت الأبيض رمادي !...وحولت الكحلي سوادي ...وكلبت ا...عاليها عل واطيها ..وساوت بين الأبيض ...والأسود والرمادي ؟!!...وكلتلكم ..أنتو حبكم أبد ..مو عادي ؟!... ياسواد ليلكم ونهاركم ...تره حبكم مو أعتيادي ؟؟!!!... وبكنه كلشئ ... حتى الحرام بعرفنه وبديننا سويناله فتوى !؟...وشرع !...وشرعنه ..وأفتينه ...وجَيْرنه العُرفْ والدين !...حتى نَحُوفَهُ !...ونْجيبْ كُلْشي .. لِعِدْنَه بْيُسُرْ ...وبذكاء .. وعبر ترتيب !..وأصبح حلال !...وأََفْتَينا بكل شئ...حتى العرف !...سويناله جاره !...لأجل ما يبقه عندْ وادمْ شَعْنه أي شئ ... ونكعده عل الحصير !!؟؟ ... وحتى بلا حصير !...هذوله أحنه !...أهل دين !...وساده !...وعمايم !...بيض وخضر وسود !!!؟؟ ...وصبغنه اليشاميغ !!؟ جا ؟...شبيكم ؟...ما تسكتون ؟!!...كلشي بزمنه صار ممكن !!...الزغير !...يصير جبير ؟!!...والجبير حطيناله قاصر !...والمقاصل !...وصار يمشي بلا نعل !...حفيان ...عريان !... بِهَلْوَكِتْ !... وراح للكافر والملحد للسفارات الأجنبية !!؟..يطلب سكن ..ويريد لكمة يملي بطنه ...ويشبع أولاده ...الجانو !...بِكَدْ أبوهم !!...ما عندهم عازه ؟... وعيونهم شبعانه ...يوصلون الليل بنهاره ...وهم يكدون !؟... لاجن ما يستجدون الرغيف ...ولا يَبُوكونْ ..ولا ينهبون ..ولا يجذبون ... ويعرفون ويقرون ...ومتأكدين !...أن السياسة !... فن وحضارة وشرف ..والعمل وفق المعاير ...وبعيده ..عن النفاق ..وجذب ..ولا تحوي المايخافون الضمير ..ولا يسرقون !؟..وهي ..مو ربح وخسارة ..وتملعن !...وتلعب بالشرف والقيم والدين ؟!...لا هي نزاهة وطيب ..وهي مدرسة تخرج أوفياء لوطنهم ..وللشعب ولكل شي زين ! بهذا الوكت !...للأسف يا خلك ! ...صار سيدنه نعل ينداس بهلوكت الحقير !!؟؟ ...وأصبح الما جان يسواله نعل !؟؟... أصبح سيد ويأمر وينه؟ ...وما يكعد ألا كدامة شدة ورد من القرنفل والياسمين !؟؟ ...ومائدة عامرة بكل ما تشتهي الأنفس ... بس ما ندري منين جابوه؟ ...هل المرائين ...أكيد من السحت الحرام ..من تعب وكد هلمساكين !!؟؟ ...والسمسار المخادع والمرتشي ..والجذاب والماله دين !...جابوه يحرس زلم هلوكت ...اللي من قلت الخيل ...؟! جابوله جلب يحرس وطن !... والله زمن شيخ العكروك ...على الرك ! !؟؟.
مثل هذا .. شِكِلْهُمْ يشبه شكول الزلم !؟.. بس لا كرامة !...ولا شهامة !!...ولا غيره ...تحرك شواربهم !... هاي أذا جانو ..يحسبون للشوارب كدر !!؟؟...لاجن ألف يا حيف ؟!!..هي هاي الزلم ؟... هاي النْتباها بيها ...ويحكمون مثل هذا الشعب ...؟اللي مَنْوِجَدْ مثله ..عل هذي الأرض !...وبشواربهم الفاتليه فتل !..نحمي الوطن ؟ ...ألف وسفه ...عشوارب !..وعلى هيجي عكل!؟ ...الحاطيها عل راسهم !...بس هذي روس ؟...لو كلها تبن ؟! ... أريد أسأل الوادم ... عن هل هلوكت ... شجاها الزلم ؟؟ ...وليش صرنه بخانة اليك ؟!!... والناس توكف على باب الخسيس !... والناقص والنذل !!؟؟ ...تطلب من هذولة شوية عدل وأنصاف !...شوية كرامة !؟...ألف وسفه ..نْداسَينه بالرجلين !..ما ينعرف فصله ..ولا أصله ..ولا منه بوه ومنه جده ؟!!...ليش ؟..مَشْيت عليكم ...الفاروق عمر ! ...والعباس وخيه الشهم ! زين الشباب بيوم الحساب !...الحسين بن داحي الباب الكرار على !...أرد أنشدك يا شعب ؟... بالصميده على ...أبو الحسنين وبن عمه النبي المختار !...بهلوكت ؟... هم يصير الجلب والمخنث ؟!!... مارد ..غظنفر أسد ؟ ...ويحوله محراث ...يكرب أرضنا الخضرة !؟...ويحوله رماد ؟ ...يصير ؟ .... يصير بن الحمولة والشهم ..مغوار ...ومن تشيمة ينتفض مارد غظنفر ! ...ويكلك ...عونك يبن أمي ما ولدته أمي ..ياخوية ..ويجاري ..يبن الأجاويد ...يكلك عونك وعيناك تلكاني حزام ظهرك عند الشدايد والملمات !!! ...هم يصير يقبل مثل ذوله النشامة والمُجَرَبين ؟!! ...يخنعون ؟...ويقبلو بذلة هذوله هلمخانيث ؟!! ...يصير ... أريد أنشد شعبنه الماسكن فد يوم للذل والهوان ؟!!... أنت يمته ... تتحرك ؟...ويمته تِصْحَه من سُباتَكْ ؟ ...وتْحِطْ نُقاطَكْ علحروف ؟...يمته ؟ ...كللي يمته ؟ .... تقبل يَسْتعبدُكَ ؟.... أيراني ...تركي ..سعودي ...أمريكي ... تقبل هَلْغُزات الطامعين يتحكموا بيك ويحكموك ؟!... ويغزونك ؟... وينهبون الماينْهِبْ حتى في غزوات القبايل كبل ..ما تصير ؟!!! ... أيام جانت غزوتهم مرجلة وقوة وتحدي !؟.... بس ما جانو مثل ما هو ...اليوم ديصير ؟!! ...شمالك ياشعب ؟!! ...نامت طوابيك البنايات العتيجة عْليكْ ؟!! ... وما أصبحت تشعر !..ومن دون أحساس؟!! ... ألف وسفة عليك وعله زلمك ...أخ ! ...بكِشْرَةْ بَصَلْ باعوا تواريخَكْ ..وأنت نايم بْهَلْ الذِلْ والفُكرْ ..وبالطين !...وأنت نايم دوم !؟ أذا ما تعرف عن الماضي ؟..أعرفك زين !....أنت جنت بأول الدنيا وهَلْ الخلقْ والكون ! ...جانت دنياتك زهية وتضوي بأنوار الحضارة ..والمعرفة ..وبأحسن فنون ، تمسك كواكب الدنيا !... والشمس باليمين وبالشمال ؟!! ...شنهو اللي جره ؟ ...شنهو الليصار ؟ ...خبرني !...بحق دينك وحك رب اللي تعبدوه ؟ ...شمالك يا شعب نايم ما تثور ...شمالك يا شعب نايم ما تثور ؟.
صادق محمد عبد الكريم الدبش
10/12/2015 م

#صادق_محمد_عبدالكريم_الدبش (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل