بوسه وصلحه عشائريه وبتلفلف اتخن قضيه

جان نصار

الحوار المتمدن-العدد: 4947 - 2015 / 10 / 6 - 11:28
المحور: كتابات ساخرة
    

لازالت مجتمعاتنا قبليه عشائريه بدائيه همجيه في فلسطين
والاردن وكتير من دولنا العربيه.. بمعنى انو اي مشكله بتحصل
مثل الاعداء او حادث سير او طوشه او فعل مشين بيجو العشائر
وبدحشو حالهم بالنص على اساس انو بكل عرس الهم قرص.
كأنو الدوله والقانون المساواه والحقوق والقضاء والمواطنه ما الهم اعتبار.
وعشائر بني عميان وبني طرشان وبني خرسان وبني ماني دريان
همي اللي بحلوها ومن غيرهم ما في حل ...لازم يكون في طبايخ ولهط وشفط
وحق شخصي وعشائري وديني ومجتمعي ومادي وادبي ومعنوي
.المهم وجود العشائر والجاهات لمراسم العطوات والصلحات وتعميم الممنوعات
وتحديد الغرامات والمدفوعات بالدولار او الدينارات.بتخللها
خطب رنانات وبالاخير بوس لحيات وتقبيل الايادي والكثير
من الشكر والثناءات.
بتخرج جاهة اي صلحه او عطوه وهي تلهث بالشكر وحمد الله
على تنازل الشاكي للمشتكي, والدوله والقانون نايمين بالعسل.
كتير من الجاهات والعطوات تنتهي بقلب الحق على الباطل
خصوصا اذا كان المشتكي او المتضرر ما الو ظهر وعيله وعشيره
تدعمو.واللي ما الو كبير بشتريلو كبير.
الاردن مثال على تنفذ العشائر بالحلول الاجتماعيه
اكثر من الدوله ومع الاسف القبليه والتعصب ورياح التشدد
وصلت لنخاع المجتمع ,والبلد قاعده على كف عفريت.
الطائفيه والعنصريه اصبحوا حديث الساعه وقد استشرت
هذه الافات لتهدد انسجام النسيج الاجتماعي.حدث يضخم
اذا لم يكن ضخما او يدارى عليه ويعتبر تافها في الوقت
اللي هو كتير حساس ومهم . كل هذا يدل على مدى الاحتقان والكراهيه
والتعصب والحقد والغل.
تتفاعل هالايام حادثة اعتداء النائب الاردني زيد الشوابكه هو
واخوته على عامل مصري في احد المطاعم.بصراحه الله يلعن ابو
التكنولوجيا والكاميرات والموبيلات صارو يفضحو الواحد
صوت وصوره وتوثيق ووسائل تواصل اجتماعي حتى الهمجيه
والضرب والاعتداء صاروا يصورولنا اياهم.بطل الواحد
يستمتع بضرب غيرو على مزاجه بدون ما يصوره وينشرو
الفيدديو ويفضحوه.
النائب الهمام واخوته وحرسه ومجموعته اعتدو على العامل
المصري المسكين .وال ايش سبنا وسب الاردن.اليوم الكل صار وطني
وبالزنقه بقولك سب الاردن او شتم البلد وهاد مبرر للطوشه.
الكذبه بانت من كبرها والاعلام ووسائل التواصل الاجتماعي
تطالب باقالة النائب الاردني ممثل الشعب القدوه ووجه
الصحاره وسفير البلد.المصرين واعلاامهم زعلانيين ومعاهم
حق.والاردنين بدهم يبعتو وجاهه وعشائر وبدنا الصلحه.
الاردنين بقولك انو هادا حادث فردي والبرلمان الاردني
حمل وديع.يعني مرات في اطلاق نار من شي نائب او سحب مسدس
او كلاشنكوف او ضرب كراسي او اقعدي يا هند.
بصراحه برلمان اردني 5 نجوم يعني شوية تجاوزات
بس بحدود المعدل.
المطرب جورج وسوف قال لاردني انتوا الاردنين على شو رافعين
راسكم وطبعا كالعاده كان متقل العيار شارب قنينتين عفوا كاسين
وهاجو الاردنين وكانه اهانه وطنيه واعتداء على الاردن .
ويجب تجهيز سلاح الطيران وسلاح الدبابات والمدرعات للرد
على الهجوم الكلامي الغير مبرر سوى السكر وزالة اللسان.
نواب اردنين بطالبو باقالة وزير الداخليه ووزير الثقافه ومن مره رئيس الوزراء
وحل البرلمان وتحوويل الاردن الى ملكي دستوري.مين سمح
لهذا الذنديق السكير يعمل حفله بالاردن ويطاول على البلد.
طب جورج وسوف صارلو 30 سنه شري ميري حفلات
بالاردن, شو هو طب عليكم من السما ,ولشو هالهيزعه والهوشي.
نائب مسيحي اردني قال نكته عن خالد ابن الوليد,قامت البلد
وهاجت وماجت واعتذر النائب وضخم الخبر وطلع
في عشيره لاحفاد خالد ابن الوليد عشيرة خالد.وصلحات عشائريه
ومناسف اردنيه وحلويات نابلسيه وقهوه عربيه واعتذارات شخصيه
وحتى مسيحيه للطائفه الاسلاميه تتسهلت القضيه.
طبعا خبر اعتداء شابين على مسيحي في الاردن اوسعوه
ضربا على اساس ان ينطق الشهادتين ويصير مسلم
الخبر هاد ما طنطن وانتشر, والشب اكل ضرب وعلقه ساخنه
ومن الوجع والالم قال اشهد ان اله الا الله وان محمد
رسول الله.طبعا بدون اكراه بس خربطولو وجهه.
كالعاده اطبطبت القضيه واتلفلف الموضوع مشان ما يقولو
ان في الاردن في عنصريه وطائفيه .رغم انو الدواعش معبين
البلد لدرجة انو ابن نائب اردني الضلاعين فجر نفسه بعمليه
انتحاريه , لان الاخ بدو الخلافه بقتل الاف الابرياء.
من جهتي وصيت ابنائي اذا تعرضو للضغط وبدون ضرب ينطقو الشهادتين.
اذا كان اخوتي المسلمين بدهم لاعبين احتياط وتعزيز
للاسلام فمرحبابكم خدوني انا هالنضوى ومش مشكله باسلم.
بس عفوا من وين القبض واذا سمحتو بالعمله الاجنبيه.
وبتذكر نكتة اللبناني اللي سأله جندي اسرائيل من وين انت
قالو دخيل ربك ايم ايدك عن الجكيت وخذ لبنان كله.
انا هيك بدون ايدين وضرب شو اللي بدكم اياه مني اقوله على راسي.
مع الاسف الاقليات في مجتمعاتنا الاسلاميه دائما مقموعه ومجبوره
على المداهنه والمحباه من منطلق ان الاكثريه والاغلبيه هي الاقوى
والاقليه هم الحلقه الاضعف.
يا ترى ليش المسيحين والاقليات في بلادنا بهاجروا من اوطانهم.
اكيد لطقس والجو صار يجبلهم ضيقة النفس او شي حدا
راح يقطع نفسهم.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل