تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

الحكومة

جعفر كمال
شاعر وقاص وناقد
(تôôèô‏ ؤôéôم)

الحوار المتمدن-العدد: 4933 - 2015 / 9 / 22 - 16:30
المحور: الادب والفن

"هذه القصيدة المحكية بنيتها على إيقاع: هها هها باستثناء الأبوذية، وكحلتُ بصيرتها ببيتين من الأبوذية، وهذه اللاقحة اعتمدتها في أغلب الأجناس الأدبية التي كتبتها: الشعر بشقيه، القصة القصيرة، والرواية"
هها هها..
إلمن تحجي ومنهو الليقره
ومنهو اليفهم عن ما نحجي وعن ما راح نكوله بكرى
وهو معدل يضرب كشخه..
وحنه نخاطب بالاشعار وياه الفكره
خَلْهه ابالك يا حبوبي..
ذوله الناس تغدوا بينه، وعظام الذبوه إلنه طلعت صفره
***
من حيث كرش اللي شبع أذنوب / جمع ذنب
والدهر يوماً إله ويمهَ الموالى أذنوب / ومفردها ذنب الكلب
ويكول آنه إلك، واللي جينته مو ذنب / عداء
إن جان حجيك صدك خلي البلد يشبع ثره
***
وذيج الساعة بس يتحاصر يتدثر بفلوسه وقصره
لا تاخذني بغدر مصابك..
خلي مصابك يلحك صدومي للحفره
إحنه منين وأنتَ منين ؟؟؟؟؟؟؟؟
إبنك يكشخ بفليساتي
وأبني مفلس ما يعرف يومه ومعلومه
عايش أيامه بالفطره
ذوله الحكام الأصداف..
ما يفكون الدرهم حتى لو كِتْلَوّْ ربعين البصره
وهها هها ..
من بلادي إبكل مجان الفقره مطشره
وأهل الدوله صلوا وصاموا يضربون الركعه بالعشره
قَلدَوْ أهل البيت وكالوْ ..
جانت حسره علينه اللكمه
يمعودين شلكم بينه..
خلونه نلغف تاليه
نصه مدثر ، ونصه نصدره
وحنه تعودنه الما نحسب ، أنجيل الخزنه بالصره
مثل البزونه من تسرق ، تغمض عين وتفتح أخرى
وبهل الحاله ، لازم نستخدم طبع الدفره
الجان مجدي حط إيده بكنوز الدوله
الجانت يتمناها بحسره
***
يا تايه الراي دولاب الزمن ما نعرف / الضياع
ياخذ خفيف العقل لدروب بيها عرف / من الأقارب والأصدقاء
وياخذ سليم العقل لإبداع يثرى عرف / أي أدرك الشئ بحاسة من حواسه
يجيكم يوم وتكول ياريت الحصل ما جره.
***
ما يهتم لو كل الوادم تشرب ذل وتنام بنكره
ترى هها هها..
صارت أيامك محسوبه
وذيج الساعه البايك ربعه
شيخلصه منه وشيستره
أحنه جنود الصبخه السمره
ما تخَوْفنَّه أعيون الذيب
واليوصل ديرتنه نطمره
شلون يفكنه بطيبة خاطر
ويرحل هل الدافي باتعابي
اللي جيوبه تبلع مخزوني بالكمره
هها هها ذول احنه انبكنه بالكمره
=

#جعفر_كمال (هاشتاغ) تôôèô‏_ؤôéôم#

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن
في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل