يا إما تتفكك الدولة !

شريف خوري لطيف

الحوار المتمدن-العدد: 4410 - 2014 / 3 / 31 - 20:59
المحور: كتابات ساخرة
    

دالوقت بقت المشكلة مش حق دم ماري ولا ضبط الجاني No,
بقت المشكلة عويصة جداً و هي إن إغتيال ماري هو سبب تفكيك الدولة !

ميصحش يا عم انت تقول إن إغتيال ماري تم مع سبق الإصرار
لأنها مسيحية ولابسة صليب وبتعلقه في عربيِّتها,
والصليب لامؤاخذة بيعفرتهم ويستفز مشاعر المؤمنين
وهم أحاسيسهم رهيَفة ومبيستحملوش يشوفوا صليب الكفرة,
المهم نسيج الأمة و وحدتنا الوطنية علشان متتفككش الدولة !

مش مهم إستباحة جسد ماري وإراقة دم بريئة بلا ذنب ,
! ولا تعريتهم لجثمانها ليتشفّوا بشماتة وتُنشرح أساريرهم
ويتقربون لإلههم أكبر بذبيحتهم وهي تسيل منها دماء لسة سُخنة,
No كل ده مهزِّش إيمانهم وهم بيعروها ويفترسوا جسدها ويأكلوه بعيونهم،
فجسدها مباح لهم لأنها سقطت غنيمة حلال بَلال عليهم,
و الجهاد ضد الكُفر والكفرة هو « فرض عين » وهو التقوى و الورع و الخشوع،
المهم عيونهم متشوفوش الصليب لأنه بيهز إيمانهم!

مش مهم إن كانت طعنت بالسكاكين ولا بطلقة ولا إتولع فيها بجاز No,
كل ده كلام وتلاكيك فاضية يا كفرة، إللي عنده منكم دليل على كلامه,
و إن في جريمة أساساً تمت، يتفضل يثبته ويتقدم به للنيابة العامة !

المجني عليها هي سبب الجريمة يا كفرة يا مفتريين،
مين قالها تعترض طريقهم و المظاهرة السلمية لأخوتنا المؤمنين العُزَّل معدِّية ؟!
ومين قالها تعلق صليب في عربيتها، كانت إكتفت بتعليق علامة الشيفروليه,
يمكن كانت العلامة شفعت لها قدام المؤمنين وأمير جماعتهم،
خصوصاً وهو عصبي و دمه بيغلي و في حالة إستنفار جهادي,
و ربما كان إكتفي بكسر علامة الشفروليه زي ما أمره أمير المؤمنين برهامي,
ويمكن كان حرق العربية كلها، برضو فداه ألف عربية
ولا إنه يتحرق دمه لحظة ولا إنها تستفزه بصليبها !
المهم دالوقت عايز أقولك إن المجرم لازم يفلت بجريمته حتى لا تتفكك الدولة,
ويبقى شكلنا و بريستيجنا وِحِش قدام العالم,
طيب يقولوا علينا إيه، عايزهم يقولوا علينا دولة إرهاب يعني؟!

بقولك إيه ياسي القبطي بلاش الطائفية دي و ألتزم بضبط النفس لأننا لن نلتزم بضبط الجاني,
يعني من الآخر كده متتعبش نفسك يا عمنا انت كده رايح تشتكي الواد لأبوه,
مهو أصل الإرهابي رجل مؤمن و هو نفسه إبن الدولة إللي سايباه يبرطع ويقتل يمين و شمال,
مهو هو إللي بيربي لها الشعب ويعلمه الأدب و بيحمي دولة أبوه,
و هو زبيبة التدين المدقوقة على رأس دستور دولة أمير المؤمنين,
هو حبيب دولتنا المدلل و الصغنن إللي بتهشتكو وتدلعو على حِجرها,
وتقوله يللا أوبح، روح أقتل عمو النصراني الكافر و تِفْ على المسيحيين,
و إنت كده يا قبطي في الحالة دي مش بتطالب بحقك من المجرم المؤمن No,
إنت كده عايز تتفكك الدولة !

يغوروا المسيحيين ياعمنا في ستين داهية، دي سياسة مُش لعب عيال,
و مرحباً بالإرهاب دين و دولة، المهم لا تتفكك الدولة !
قدامك يا عم الكافر حل من إتنين، يا إما تقول إن ماري ماتت موتة إللي خالقها
ومفيش عندنا مانع تقول أن الأقباط هم إللي قتلوها علشان جابت لهم العار بهدوهما المحزَّقة وبشعرها المكشوف
وكمان إتجرأت وعلقت صليب وعدِت وسط مظاهرة لأخوتنا المؤمنين،
فأثارت غريزتهم البهيمية وهزِّت إيمانهم وجرحت رِقة إحساسهم و أستفزت نُبل مشاعرهم !

أقولك علشان نبقى خالصين: طب سيب وأنا أسيب,
يعني إنسى يا عمرو ،ساعتها حـ نكون كلنا حبايب وكلنا سلفيين,
والله زيمبؤلك كده !
يا إما إنت كده عايز تتفكك أم الدولة !

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل