تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

ليالي الأنس في حي النصر

محسن لفته الجنابي
كاتب عراقي مستقل
(Mohsen Aljanaby)

الحوار المتمدن-العدد: 4278 - 2013 / 11 / 17 - 23:41
المحور: كتابات ساخرة

البحر الأبيض والأحمر يدزون منخفضات جوّية ومجلس الوزراء مبتلي
بس لا يزعل الثلاثي المكفهر ويدعون علينا دعوة تخسف الأرض بنا و نطلع من الدنيا بدون صلاة جنازة و لا چفن و لا قبر
أبو البوريّات وأبو مسحاة و أبو سكسوكه بلاك آند وايت اليوم ثبرونا بالأجتماعات ثبر
واحدهم صاير مثل أم ولد غرگان أقرب الى عجوز ماكول عشاها مايعرفون بس يدردمون ويتلاطمون بحيث اليشوفهم بالحلم يضيّع مصرفه مال شهر
على كيفكم لا يضربكم شرجي لو يشكّل عدكم سكر وضغط
الشغلة حيل بسيطة تگدرون تدعبلوها مثل صاحباتها بالدهديوه مال أشطيّط مثل سحورة النسوان العافن المدرسة من وكت
أنتم بس صدروا بيان تجمعون بيه شكو مايكرفون ماعنده شغل وعمل وحطّوها گدّامكم و طگونا بتصريح من هذا المعتبر وگولوا :
هاي أكيد مؤامرة مشتركه بيها السعودية والأردن وقبرص ومالطا , أبدوها بشتايم مال واحد زعلان ولعاين مال ضايج و تكون معالجتها جاهزة وأبسط مايكون وراها أذيعوا بيان أدانه وكولشي يگعد بمكانه وقاطعوا منتجاتهم شلع
المتقين المعتمرين اليخبزون الخبز مو مشكلة خلي يروحون لتركيا
والمتصوفين اليشخرون بعمّان للثنتين الظهر خلوهم على نومتهم
وذبوها براس قبرص ومالطا وأطلعوا منها مثل وحشي بفلم الرسالة خاطر يتوّفر عدكم الوقت للجلوس فوق الچربايه و الأستئناس بعد الفلوس من الساعة تسعه لحد الفجر
أما ذولي (قبرص ومالطا) فلازم ولابد تجروها للمستنقع مال حي النصر و چكوك والشعب وأتهموا خلاياهم النائمة القادمة من سواحل الـ (نود بيچ) بأنها المسؤولة عن بث الرعب من خلال دعوتها للتشليح و نزع البنطلونات ورفع العباءات في شوارع بغداد تحت ذريعة الچياحه وشحّة النزّاحة , طبعا هاي (النود بيچ) مايعرفها بس طويلين العمر
وخلّوهم يعرفون شلون تكون البهذلة لما يزعل العصفور على بيدر الدخن ..
اليوم الثلاثي طوّلت سالفتهم عَ المجاري ليفسحوا مجال ليتسائل حتى الشاذي وين كانوا عنها هاي السنين الثمان هؤلاء الغمّان الثولان حتى لو كانوا يحفرون كل يوم سانتيم كان كملت قبل خمسين شهر ونيف سنة !
حيل متحمّسين وماخذهم الواهس بحيث المستطرق يصدگهم ويگول خطية شايلين هَم البلاليع ويعرفونها من كانت الزفّه ركض , خايبين على كيفكم لا يوگع السگف
منو شاف قناة الردح .. خلّي يروح يسبح ويستغفر ربّه و يروح للمطبخ يساعد مرته عسى ولعل يشطف ويتطهّر من الخيسة والچذب
ويستمر العرض , سينما بدون بطايق مع وجبة فيل مكَمط و هدية دشداشة مشگگه نص ردن .. نسألكم كم باكيت كليكنس
أمنياتي بأوقات ملئى بالأفراح والأنس

#محسن_لفته_الجنابي (هاشتاغ) Mohsen_Aljanaby#

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل