س. ج.

مزمل الباقر

الحوار المتمدن-العدد: 4133 - 2013 / 6 / 24 - 10:26
المحور: الادب والفن
    

س. ج



شفتي
الشوق .. الشالني
عليك..
وشاور ..
بي .. إيدينو
عليك
يكون كضاب .. لو
شَرّاك(1) ..

شان ... الضحكة
شلال .. الفرح
الزاخر
كانت ..لامه
كل رقيص .. الشفع
تحت .. المطرة

شان .. الغمزة
الضوت .. قمره

شان .. القلب
الشايل .. كل
الطيبة
وكل .. الخير
الجاي .............. دَمِيرة (2)
مارق .. منك
وراجع .. ليك

ولمن .. كُسَتا
عليك ...
في الزحمة ..
لقيت .. الفجة
فاضية .. بدونك

ندهت ..
عيونك
رمشك
حاجبك
شعرك
كلك

ولما الشوق .. شالني
عليك
وما لقيتك..
كوركتا..
كوركتا .. بطول حسي
كنت بكورك .. ليك
يا ....
يا ...

وصَنّقَر (3) ..
شجر .. الحنا
ودَنّقَر

قنب(4) .. يتاوق
شجر ,, الحنا

وحّن علي ..
طير السمبر
والغرنوق ..

وكنتي .. هناك
تراجعي .. كلامك
قبل الناس .. تقراهو

وكنتي .. راجية
خطاي .. البآءسة .. تجيك ..
بي شوقا

وكنت .. هنا
زولاً .. غرقان
في خوفو..
اكتب لهفة .. إحساسي
ادخن .. قلقي

كل الناس ..
منشرحة ...
وانا مخنوق
أنا .. مخنوق

كل الناس .. مبتهجة
وأنا مشروق
أنا مشروق ..
بي الشوق ..

يا بت .. يا شوق
وحات الخَلَق .. الشوف
اللي انشر
بي طول السكة ..
يفتش ليك ..
من .... لي آخر
الحتّه ..

كنت .. بدورك (6)
تهلّي علي ..
لأني .. بعاين .. بيك
والسكة .. بتبقى .
ظلمه .. بدونك

يا حليل (7) ..
البسمة .. الضحكة
القالتلي ... سلام

يا حليلا .. عيونك
أمسى
يومي
وبكره ..

يا حليلو .. الشِعر
الرمى .. قِدّام

يا حليلو .. الشَعر .. السرى
انسام ..

يا بت
يا شر ..
ليه .. بتحرشي .. كل الشوق
يشّرك لي ... في السوق


السبت 18مايو2002م
الخرطوم – العمارات ش 15

(1) شراك : تخلف عن موعده
(2) الدميرة: فيضان النهر
(3) صنقر: جلس
(4) دنقر: يطأطيء رأسه
(5) قنب يتاوق: قنب ايضاً بمعنى جلس ويتاوق أي ينظر، ولكن عند اضافة كلمة (قنب) لفعل تصبح بمعنى : جعل يفعل كذا
(6) بدورك: أريدك
(7) يا حليل: كلمة تستخدم للتحسر ، وتصرف على حسب المخاطب إلى: حليلا، وحليلو، وحليهم و..و. الخ

#مزمل_الباقر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات