حسين جهيد الحافظ
الحوار المتمدن-العدد: 4085 - 2013 / 5 / 7 - 07:24
المحور:
الادب والفن
1- مرهم
بين اِعيوني وبين السچه
......... اِمتدت روحي
وسحگة جدمك فوگ اِجروحي
اِتخضر مرهم
مفتاح اِنته الكل اِقفالي
ولا مفتاح الغيرك يرهم
2 – س –و – ج
بين سين وجيم عمري مسأله
حيرت كل الحلول
ومرت اِبكل المراحل
ما جاوبت كل مرحله
اِشما يمر بي العذاب
وگلت خلصت
أرجع .. ولن العذاب اِبأوله
3 – شطرنج
روحي عاشت خانه وحده
ما عبرت الخانات
الخانه البيهه الملك الأبيض
حاصر روحه ومات
#حسين_جهيد_الحافظ (هاشتاغ)
كيف تدعم-ين الحوار المتمدن واليسار والعلمانية
على الانترنت؟