عالمنا الجديد

حسين جهيد الحافظ

الحوار المتمدن-العدد: 3530 - 2011 / 10 / 29 - 00:58
المحور: الادب والفن
    

اِمن الوريد وللوريد
ذبح علمنه الجديد
حلم أهلنه الچان عيد
اِمن الوريد وللوريد
ذبحوا الضحكات بعيون الزغار
شگگوا دفتر رسمهم
اِلچان كل ورقه حديقه
اِوچانن اِسطوره نشيد
داسوا اِعشوش العصافير الزغيره
مطروا اِعله الناس حيره
اِو زرعوا الدنيه الچبيره
طلمه واِرهاب وحديد
جوع
تهيد
اِو وعيد
اِمن الوريد وللوريد
فصلوا ثوب الليل بيرغ
بيه حقدهم
صار جلاد وحرامي
اِو صار غيم
ما نگل كل عمره مزنه
بس رعيد
اِمن الوريد وللوريد
يا عراق الصار بيك
أبد ما مر اِعله وادم
گبه لازم تنبناله
اليظل سالم
اِو مو فصيده
ننثر اِبگبته قصيد
اِمن الوريد وللوريد
شطبوا التاريخ
وأحلام الزغار
فگسوا اِعيون النهار
رجعت اِجيوش التتار
اِو طلع هولاكو جديد
اِمن الوريد وللوريد
ذبحوا الفرحه اِبمهدهه
داووا العين اِبرمدهه
اِو ساگوا الوادم عبيد
اِمن الوريد وللوريد
للوريد
للوريد
للورييييييد

---

قناة الحوار المتمدن على اليوتيوب
نحو يسار عربي جديد حوار مع الباحث الماركسي اللبناني د. محمد علي مقلد	واقع ومستقبل اليسار العالمي والعربي حوار مع المفكر الماركسي الفلسطيني غازي الصوراني

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات