حشيش سوري

مازن كم الماز

الحوار المتمدن-العدد: 3964 - 2013 / 1 / 6 - 02:17
المحور: كتابات ساخرة
    

ما بعرف ليش الناس مكبرين القصة كل هلقد , يا إخوانا من كل الطوائف الكريمة , لا تخافوا , إذا لا سمح الله صار عنا ديكتاتور سني بدل العلوي , رح تعيشو , تماما متل ما كان السنة عايشين تحت حكم الأسد , و لإخواني من طائفتي الناجية , ليش كل هلقد مبسوطين إنو ممكن يصير عنا ديكتاتور سني بدل علوي , يعني رح تعيشو معززين مكرمين تماما متل ما العلوية عايشين بظل حكم الأسد , و باختصار تضربو إنتو و هيك عيشة .. فيه قصة معروفة عن مجموعة من العاهرات كانوا أخدينهم على دوما قام على الطريق استولوا عليهم أهل حرستا , قام واحدة منهن شافت أختها تبكي فسألتها , و لماذا تبكين يا أختاه ؟ قالتها , ما كمل معنا المشوار , خايفة يعملولنا شيء هون , قام أختها ضحكت و قالت لها قائلة : يا غشيمة , هون و لا هنيك , كله واحد , ما رح تفرق معنا .. إذا كان بدو يركبنا ديكتاتور أو يستمر هالديكتاتور راكبنا , فبحب طمنكم سلفا , كله واحد , و الطعمة هي ذاتها لن تتغير .. شباب , ثوار , اسمعوني , ديروا بالكم و إنتو ماشيين بطريق مفروض آخرتو الحرية , ديرو بالكم شيء حدى ياخدكم بغير طريق و تلاقوا حالكم بحرستا ..
بيجوز مو فارقة معي لإني سني , يعني بكل بساطة فيني ردد الشعار الجديد أمة سنية واحدة ذات رسالة خالدة و ادخل بسوريا الجديدة , هذا إذا انمسخت سوريا الجديدة إلى سوريا الأسد بس أسد سني هالمرة , لا سمح الله , الله هذا اللي نرجوه ألا يسمح و ألا يقدر سامح لبشار الأسد يقتل فينا منذ 20 شهرا , و بنطل مع هذا نرجوه و نقول لا سمح الله , ما الله سمح و خلص و الدليل مع كل مجزرة مع كل برميل و قذيفة و مؤخرا مع كل سكود , و في القريب العاجل , مع كل سلاح كيماوي , يعني شو بعد بدو يسمحلنا أو يقدر علينا , أعتقد إنو أفضل لله أن نعفيه من هذه المسائل , أن يكون متفرجا على المجزرة التي يرتكبها بشار الأسد لا يشرفه أبدا , رغم كل شهقات و دعوات و هذيانات رجال دينه .. أحسنله يكون غير موجود , نايم , تعبان , ما بيشوف أو ما بيسمع , أحسن من إنو يكون موجود و صاحي و شايف و سامع كل هذا اللي عم يصير و ساكت
العمى شو الإسلاميين مهووسين بالجنس يا شيخ , بمصر تاركين الدنيا و الدولار اللي نازل و طالع و الفقر و الجوع و التعتير و مو شايفين غير علياء المهدي , و إذا بدهم يفتوا بيطلع معهم شيء متل إرضاع البالغ , لشو زعلانين يا بني ماسون , فيه أحسن منها أن تدخلوا الجنة عن طريق مص حلمة الثدي , أنا بقترح جعل هذا قانون فورا و أن تكلف هيئة الأمر بالمعروف بالإشراف على تنفيذه , إشراف بس , التنفيذ علينا , و هدا أخونا تبع المفاخدة مع الطفلة من عمر مدري كم سنة , و التاني تبع قصة 9 سنوات , حتى الآن قصة زواج سيدنا محمد من ستنا عائشة عاملتلهم مشكلة في عقولهم , اكتشفوا إنو البنت بتصير بالغة و جاهزة للجنس خاصة مع الأنبياء و رجال الدين بعمر 9 سنوات يعني بعمر ستنا عائشة يوم ما نبينا دخل عليها , العمى , بيدوفيليا ؟؟ و غلمان ؟؟ و هدا كله لسه لم نبدأ بالسبايا ؟ ديروا بالكم لسه ما غزينا الكفار ..
الكل بسوريا ينتقد الجيش الحر لإنو عم يسرق , الكل بدو يحاصر الظواهر السلبية بالثورة , طبعا أنا كنت مع كل هؤلاء , بدي ثورة نظيفة بياض ناصع الخ , و حاولت دور على منظف للمساعدة بتنظيف الثورة أو شي مطهر لتطهيرها , بس لما قعدت مع حالي شوي , العمى شو نحن ما بنفهم ولو , يعني الحقيقة إنو اللي ما عم يسرق هو الغبي الأجدب , الفقير اللي بيحترم حق الغني بسرقتو , الفقير اللي ما بياخد حقو من هالدنيا بالقوة إذا ما قدر يعيش بني آدم بالتي هي أحسن يعني هو الأجدب الغبي اللي بيستاهل ينركب على ظهره , لو كنت رجل دين , لما فعلت فقط متل ما فعل عمر الفاروق , و لا ابن عبد العزيز , أقصد عمر بن عبد العزيز طبعا , بل لأصدرت فتوى لكل مقاتل بالجيش الحر يستولي على حاجتو و حاجة أهلو من مصاري الأغنياء و أنا مسؤول عن كل واحد بيعمل هيك أمام رب العالمين أو أي رب بدكم ياه

#مازن_كم_الماز (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل