بم التعلّل ( قصيدة بالعاميه العراقيه )

فاهم إيدام

الحوار المتمدن-العدد: 3800 - 2012 / 7 / 26 - 08:27
المحور: الادب والفن
    

(( بمَ التعلّل ))



محنه هذه الوطن
هذه الوطن محنه.

محنه... جي ينولد بينه بكل صبح
من تنفتح عين المدينه....

محنه جي يغفه عَلَه وسادتنه كَبل العين
هاي البيه
صارلهه السهر زينه وخزينه

وهوّه مابين الوسن والصحو
صارنّه حلم
وهوّه مابين الزَمر والسيف
هوّه وتبتسم

مجنون تيّه ضعن هاي الدنيه
والصحره عله مدّ الشوف...
ضنّك ينرحم..؟

وياخذنه صوته بعيد
أبعد من كَطا.... من كَبّراته...
من البنفسج والطَعم.

ياخذنه موته بعيد..
ابعد من شهيج الروح
ابعد من اصراخ الباوع عله الكَاع
وما شاف الجِدَمْ.

ياخذنه زيفه وجذبته
ياخذنه صدكَه ولوعته
ياخذنه كلشي البيه وانرد
ما درينه انحط عله الضحكه نوايب روسنه..؟
لو مثل ديدنّه
انتوسّد بس يتمْ

محنه الوطن
هالوطن محنه
الصبح نهديله الشفايف بوسه.... تسبيح... ونشيد
ومن تغيب الشمس
نلكَه ارواحنه تردّد :
تَلايمْ
وانردمْ

****
الخامسه صباحاً
24 ـ 7 ـ 2012

#فاهم_إيدام (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل