( إسمعي ياروحي ) شعر شعبي عراقي

فاهم إيدام

الحوار المتمدن-العدد: 3520 - 2011 / 10 / 19 - 23:37
المحور: الادب والفن
    

( إسمعي يا روحي )


إسمعي ياروحي الحزينه
اليوم أريد احجيلي عنّج
وارسمهْ جرحج نهرْ...

والنهر لآخر نَفَسْ بالنَفِس يطري
وبالقصايد ينذكرْ
جا هم عجيبه يضيع دمّي بثرثراتي وينّثرْ
لوهم عجيبه يفور فورة غيض
كَلبي وينفجرْ

إسمعي ياروحي الحزينه...
الليل شهكَه
وآخر الشهكَه قصيده
وأرد اكَلّج..
ماهي مسكينه القصيده البيهه صوت من اليِتمْ
وماهي مسكينه المدينه الجذّبت بينه الحلمْ،
وماهي مكَصيّه من الذمْ
لو نفق بيهه ذِممْ.

وشكّي بالفرحه سبق روحي سنينْ
وحزني كلما شاخ...خضّر جن جنينْ
ما أصدكَك لو تكَلّي فرحة الوادم ثَمَرْ
بس أصدكَك لو تكَلّي الناس تضحَك من قَهَرْ...
وسمعي ياروحي الحزينه
اليوم أريد احجيلي عنّج
وادوف حزنج بالسَهَرْ.

**

طاحْ.... لو ماطاحْ
نجم الكَادنه واحنه الزغار؟
وضاع.... لو ماضاع
حلم الباكَنه بليل الأشعار؟
وانطفه لو بَعْدَه كَرّة عين موكَاد الشرار؟
من تغرّبنه
تغرّب بالحَلق طعم العَذِبْ
صرنه خطوه وساكَهه المجهول
بالغَفْله زلَفْ عنهه الدَربْ
وغصّتي...
ذكرة عشق لاعبتْ روحي
وزين أذكرْ لمّن اذّاهه اللّعِبْ.

ماهي عجبه الحزن يصرخ
عاصفه بغابة شجَرْ،
العجبه تتعجّبْ يساكَي الحزن
لو شِفتَه كُبرْ..
جا سِمعي ياروحي الحزينه
اليوم اريد احجيلي عنّج
يالصفيتي كتاب وبجنطة سفرْ
يَكتاب وبجنطة سفرْ.

****

#فاهم_إيدام (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل