( سولتج كسرة الخاطر )

فاهم إيدام

الحوار المتمدن-العدد: 3623 - 2012 / 1 / 30 - 20:40
المحور: الادب والفن
    

سولتج كسرة الخاطر
ياشمس غبشه ودبت عالناس
بالغبشه ودِفتْ

والعمر وشلة ليل
ضاك من السهر حد خنكَة الموّال
ثلثينه وهِفَت

وعيونج الوسعات سفره بنص بحر...
ليلة مدينه وحلوه الكَلوبات
وانتي نَثْ مطر،

ليله إجت
وليله ارحَلتْ
وامعارك ويه الروح يالوجهج بَخَتْ
يا عين جانت بالدمع غركَانه
ما ظِنهه اكتفتْ

والسوله سولة مرتجي
وآنه نكت بيّه البجي
ذبلان وامخلّص حجي
ولو بيهه روحي سولِفتْ

يلسولتج...
ليش آنه الي كسرة الخاطر
والنسايم منّج لغيري شمال
وهفهِفتْ
ليش آنه الي وحشة الضايع
وانتي خدّج نار
للروحه عله اطراف المهالك شارفت...

يالمايرف كَلبج علي
ولف الولفْ...
ما جنّي فضّضت الزلف،
ماني الحركَت الروح بيج
ولسّه كبره وما طفتْ

جاهي ولج كلّش غدتْ
يرضيج فرحه اتحسّرتْ
واليدري كَل للمادره
وانفوس من سكته انشِفَتْ

بيّه اتّشفّت وانشِفتْ
بيّه انشفتْ.

يالسولتج كسرة الخاطر
روحي سكرت بيج مرّه
ومنهه ما مرّه صَحَتْ...

#فاهم_إيدام (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل