معانَده... ( قصيدة بالعاميه العراقيه )

فاهم إيدام

الحوار المتمدن-العدد: 3664 - 2012 / 3 / 11 - 20:12
المحور: الادب والفن
    

ماتوب..
أنه ماتوب،
سابح بالهوه وعطشان كَلبي يلوب..
وحدود الهوه وسنه بحضن محبوب.

علّمني الوكت
لنّ النفوس أشجار
منهه اليعتلي.. والما شهك لهبوب،

وراواني الوكت،
لنّ الكَلوب أزهار..
بيهه الشخص حر.. والسيّجه الخرنوب

ومرجحني بترافه وحاوطاني بنار
واطري بمدح تاره وتاره ارد مسبوب

وشفته بعيني شايل بيده مجيالين
تلّل للرعيع وكتّر المذروب
بس ماتوب...

أنه ماتوب..
روحي معانده ولو كَوطر شمال
ضعنهه تطك صبر واتكَوطر اجنوب

واتصاحب المغنه وشلّة احزان
واتحن علمثلهه الحظّه مكَلوب..

الشارب اللّوعه وهااااام للهام
والسنّه يبان وجبدته تذوب،

ونفسي ترفّعت بالسكته عاللّوم
والسكته دوَه وديدَن المسلوب

الدنيه سَلَب والكَلبه مالان
ماتصفاله دنيه وكاسه مشروب...
وهم ماتوب

ابد ماتوب
لو شوفي صفه بس ليل... هم ماتوب
ولو جلجل علي ضيمي وصفيت اذنوب

اهبّد.. ما أجل عصّاتي العناد
وتنهرني اليّام مسدّدات البوب

ولو حزن الأرض صار الهوَه والماي
ولو عزّ الدليل وضيّعت لدروب

وحركَتني الهموم وحدّداني الويل
وهجرتني الاحلام وأحيه دوب الدوب

اكَطّع ضيج روحي بسيف ما مسنون
واتسربل صبر يرهه عله صبر ايّوب
وهم ماتوب...

******

#فاهم_إيدام (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل