مابين ثريد زاهد الشرقي وهبيط وزير الكهرباء !!

زاهد الشرقى

الحوار المتمدن-العدد: 3735 - 2012 / 5 / 22 - 04:01
المحور: كتابات ساخرة
    

نهضت اليوم باكراً , وكان أول سؤال وجهته للبيت ( شنو الغدة اليوم) .. فجاء جواب الوالدة ( يمه الله كريم خلي الريوك يمشي ببطونه عود الغدة) !! .. وتوجهت لأم الجهال بنفس السؤال ,, وكان الجواب ( والله ما أدري ألله كريم منا للغدة) .. جاوبتهم شنو السالفة أدري الله كريم بس غير أنخطط الكل شيء حتى منوكع أبمطبات وتفرعات وتشابكات تؤدي إلى أزمة بالمط...بخ مما يستدعي تدخل دول الجوار !!! .رأساً الحجية كالت ( ما ننطيه) ,, كتله شنوا لما تنطيه .. كالت قنينة الغاز الفارغة لأنه الجديدات كلهن موزينات وميرهمن على الطباخ .. كتله ها القنينة والطباخ عبالي رئاسة الوزراء !!! .

المهم كتلهم اليوم الغدة على زاهد . وهو راح أجيب ألكم كيلو لحم مال غنم وسعره (15,000) دينار عراقي . وطماطه وبصل ومعجون وطرشي ولبن وخضروات وشوية فواكه , ونسوي تشريب أحمر وثريد . وطز بيهم !!

كالت الحجية .. عزة .. ثريد متكلي اليوم أسامع .

كتله مسامع شيء بس راح أكلج .. وزير الكهرباء مال العراق أكيد متعرفي .. بس هو الرجال من كثر ما (......) بالعراق رجلي يومية أتحكه .. هذا الوزير راح للأنبار وبالتحديد المدينة حديثة . مو بعيد قبل كم يوم .وعادي صارت عزيمة وترحيب بالزيارة تدرين يا أمي العزيزة اشكد مصروف هاي العزيمة .

كالت أشكد يعني غدة وجايات وخلاص .

ضحكت كتله والله انتي على نيتك .. أسمعي تكلفة وجبة الغذاء فقط 45 مليون دينار عراقي وماء ومشروبات غازية بمبلغ 6 مليون ونص ....هذه المعلومة أكيدة ومن (حذف ألاسم حتى مينكطع رزق الرجال !!)أما بقية المصاريف من ورود وتغيير شراشف وستائر وغيرها بعد ما وصلنا الرقم الخاص بها !!!

سكتت وكالت صدك جذب ذولة ميخافون من ألله وين يرحون من جهنم ..ساعة السودة الي شفناهم بيه .

جاوبتها .. وتكليلي عزة زاهد أتريد أسوي كيلو لحم ثريد مال يوم واحد ...خلي نضرب ثريد مال نفس وفلوس طيبة , مو ثريد من مال الشعب وفخفخة على الفارغ .. ويكلك ليش تحجي كافي الحكومة عوفوها تشتغل .. أشتشتغل أشو اغلبيتها حرامية وفاسدة ونعلة الله عليهم ألى يوم الدين .

سم او زقنبوت أبطن كل واحد يسرق مال هذا الشعب الطيب وحق الشهداء والأرامل والأطفال . بدل متشبع بطنك أشبع ضميرك أنت والآخرين بأن تعملوا خيراً لوطنكم يافاقدي كل شيء مع الأسف الشديد .انى مفاوضات على مود وجبة غداء واحدة والجماعة ماخذين البلد عرض وطول أتكول مال ابو الخلفوهم .. ويكلك جوي بأنتخابات وديمقراطية وممثلين بأسم الشعب كافي ملينه .. يا ديمقراطية يا أنتخابات .. أشكروا أمريكا الي لفتكم ولمتكم وسوتكم أودام ..ملتهين بأجتماعات وعايفين الشعب والوطن والمال سايب وكلمن يغرف بكيفه .

ولحد أيكلي الجبير ميدري كلهم مشتركين من فوك ليجوة بهاي المسرحيات .

سلامات ياثريد .. واخ منك يالساني

#زاهد_الشرقى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل