مرينه بيكم حمد

زاهد الشرقى

الحوار المتمدن-العدد: 3731 - 2012 / 5 / 18 - 20:06
المحور: كتابات ساخرة
    

عندما يكون الإنسان مثل قطعـة النقـود ذو وجھين فإنّه سيقضيّ كل عمره متنقلا بين جيوب الناس , والحال ينطبق على بعض الوجوه السياسة الحالية في العراق ابتداءً بصاحب مقولة (ما ننطيها) .. لأنها ورث مال الأجداد والعذر منه معروف بأنه يأتي عبر الصناديق , والصناديق هاي الله وحدة يعرف بلاويها وسوالفها وما جرى وصار . وبالعافية ( حمدية الحسيني ) .. ( النسيب يستاهل ) !!!! .

... مروراً بالمتقلب وتاجر الوطنية الذي بين ليلة وضحاها تحول من منتقد للدكتاتور إلى مؤيد وواجب دعمه ورجع للمنصب بعد ما أستخدم نفس الطريق الأول الذي أعاده من أقصى ألاجتثاث إلى كرسيه بصف العينتين .. وكالعادة شغل طريق ( ألأردن – جنوب لبنان – إيران – كردستان) .. مشبج على الأول التالي !!!.والباقين بيهم الساكت والصافن على زمانه الأغبر !! وبيهم المنتظر من برة تجي الفليسات والمخططات !! والبعض شغال ببغاء ميسكت بس كذب ونفاق ودجل يومية حتى من وراهم كسرت التلفزيون .. وصارت أزمة بيني وبين الأطفال ولا زالت المفاوضات جارية حول ( سبيستون وتوم وجيري وسبونج بوب) . والحجية عرضت مؤتمر وطني بغرفة الاستقبال بالبيت ويتم بأشرافها طبعاً .. بس أنى مقبلت كلت لا لازم المؤتمر أيصير بالحوش !!! وهددت بأنه سوف تخرج ملفات ضدي واني هم كلت خلي أتصل بالرفيق مسعود أكله ما عندك شيء منا منا يفيدني !!!. جاوبني كلي ما أنطيك كلشي انته فد واحد لسانك مال دلالة ... كتلة بسيطة ألا اكتب ليش سحبوا منكم رئاسة احد الأجهزة الأمنية المهمة !! . جيت البغداد .. كتلهم ملف فد شيء .. كالوا ماكو أنته فد واحد متنحط بالعب .. كتلهم بسيطة ألا أروح المسعود واكله ترى الجماعة أبغداد عدهم قائمة بأسماء أكبر قيادات ألإرهاب عراقية وعربية موجودة بالشمال يمك .ومن صدر أمر أعتقلهم رفض مدير احد الأجهزة الحساسة وهو السيد(( بر ..وا ..)) وعليه تم سحب رئاسة الجهاز منكم .. وادري انته هم عندك قائمة مال أسماء !!

رحت للعراقية كتلهم ماكو شيء منا منا .. كالوا اشطح .. ليش تحجي على الرفيق جمال الكربولي وتفضح الي سوا وية سعد البزاز بخصوص وزير الكهرباء السابق رعد شلال مع !!! .. كتلهم بسيطة ألا أروح للحجي بالخضراء واكله اكو مخطط (سعودي- قطري- اماراتي ) جديد بمساعدة أمريكا والاتحاد الأوربي وراح تعلك عليكم ويطلعوكم !!واكو ناس قبضت ملايين الدولارات راح تغلس على الي يجري .. كالولي روح .. كلهم واحنه هم أنكول إيران شنو مخططاته الجديدة ألي حصلنا عليها من طرف مقرب منهم وغصباً ما عليك أيصير المخطط !!!.

رجعت للبيت كتله حجية .. أكلج المؤتمر اشوكت كالت بكيفي .. كتلها موافق .. لأنه ما أريد أصير مثل الجماعة وقطعة النقود يومية بجيب خليني بجيبك وبس !!!,, لانهم يرهمون دفانه مو سياسيين !! كل واحد دافن للأخر .. لعد وين النزاهة والشرف وال ؟؟؟؟.

بسمار أصغيروني ...

عفية دولة ما بيج قانون مال نفي للخارج .. شروعوا قانون يا برطمان العراق خلى نستفاد واول واحد مستعد أطبق القانون أني .نفي مو أعتقال ترى أكو فرق والله ...!!!

وبقيت أسمع بالراديو القديم .. ((مرينه بيكم حمد وحنه بقطار الليل وسمعنة دك أكهوة وشمينه ريحة هيل ...)) كلت أخاف بعد كم يوم الربع يرتبونه وحده ونروح النقرة الخضراء مو السلمان !!!!!!!!!!!!!!!!


سلامات يا حمد .. اخ منك يالساني

#زاهد_الشرقى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل