ليل ونطرا وآخ

إيلي الزين

الحوار المتمدن-العدد: 3709 - 2012 / 4 / 26 - 23:24
المحور: الادب والفن
    

نْطَرتِك بقلبي، وليل
عم يفرش عتم
يدقْدِق وقت
تكّات هرباني
ويغفا ع زندي وجّك الملهوف
يشهق فزع
وخبار برداني.

نطرتك بقلبي
إكتب وإمحي حروف
شفتك سطر
ضايع بِ قلب كتاب
شفتك جرح مكسور
ودموع سكراني
تسكب عمر
تسكب وجع مبحوح
ع خدود نعساني.

نطرتك بقلبي
والقلب مفتوح
بابو مشلّع، وديب
بالعتم بيشوف
ناطر ع باب القبر
عم يرسم صليب
يفتفت حجر مهجور
وما يترك زِكِر.

نطرتك ع جرحي وليل
عم ينقص سكوت
دِبل العتم والضّوّ
فرّخ ع كعب آهاتي،
فيِّق خيالك الملقوح
ع كتاف وجعاتي،
إبعت عيوني يشرَدو بالجوّ
ويرجعو بكّير ع بيوت
زهّر عليّا الموت
وهاك الصوت
للّي كان يرشرش مجيتك ع القلب
لبس البكي فستان
أسود ومقهور
يصرخ بِوِجّ القبر
لا ترجّع للّي كان
جايي أنا كِلمات
عم بتموت.

#إيلي_الزين (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل