تحيا الأناركية

مازن كم الماز

الحوار المتمدن-العدد: 3584 - 2011 / 12 / 22 - 08:48
المحور: كتابات ساخرة
    

تحيا الأناركية !!

تحذير هام , لكل اللئام , و لكل السادة النحاف أو العظام , إن فيه مؤامرة بيخططوها العبيد , قال عايزين يصبحو أحرار , و يسقطو دول و يعيشو من غير سجان , لا حياء و لا دين , و لا حد قادر يعقل العيال دول , أصل اللي اسمها حرية غاوياهم تقولش ست الحسن , يا ابني المفروض لما تشوف أمنا الغولة القاعدة على الكرسي وسط النياشين , لازم تعظيم سلام , تملي عينك من سحر النجوم و النياشين , و تبوس الأيادي و تروح تنام , الدنيا دي ربك خلقها فوق و تحت , أمال الناس اللي فوق دي حتاكل إزاي ,
لما أنت عاوز تاكل لوحدك و تسيب الناس جعانين , و لما انت مش قادر تسمع الناس بتتكلم من غير ما تقولك يا فندم , ليه بتحطها في الأناركيين ,
أما إخوانا فسبحان الدايم الذي لا يتغير , صبحو يقولو إرادة الشعب , دة مش بس سيدنا , دة ربنا بات يستنى عند لجنة الانتخابات , يا دي العيبة يا ولاد , فين ملايكة بدر و أحد , و الخندق و الأحزاب , دول بقت شغلانتهم وكلا مرشحين , و بيعلقو يفط , و بيصرخو حيحرقو الرايخستاغ , و إحنا نبقى نقعد فين , الناس دي مبتتعظش , لسه شايفين مبارك و اللي عملوه العيال فيه , مصدقين إنهم ممكن يعملوها و يركبو على ظهر الناس بعد ما ينوموها , نسيو إنو شعبك يمهل و لا يهمل ,
بين العسكر – الحرامية و بين أسيادنا المريشين , فيه طرف ثالث, مسمعوش بيه , مش قادرين يشوفوه , اسمه الغلابة , ملايين الغلابة , بس الناس دي , زي الناس اللي مشيت يوم 25 يناير , عندها ضعف نظر , همها ملايين تانيين ,
أما إحنا فخلاص اتعودنا عالزنازين , يا نعيش أحرار يا نفضل في الميادين , و اسمنا أناركيين

#مازن_كم_الماز (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات