كنت بحلم

عبدالله صقر

الحوار المتمدن-العدد: 3570 - 2011 / 12 / 8 - 15:39
المحور: الادب والفن
    

كنت بحلم
كنت بحلم بثورة تخرجنىمن كابوس ضغط على أنفاسى من سنين
كنت بحلم بأن الثورة هاتأخذ بأيدى وتعيشنى فى جنة وفى نعيمـم
كنت بحلم أن أولادى لما يتخرجوا من الجامعة يشتغلوا فى التو والحين
كنت بحلم أن الثورة ها تخلى أيدينا فى أيدين بعض متماسكين ومتحابين
كنت بحلم بأن مصر هاتبقى جنة بعد سنوات عجاف كنا فيها موش عايشين
كنت بحلم بأن سنوات العجاف هاتمر علينا والفقر هايولى من غير ألم وأنين
كنت بحلم بأن ثورتنا موش هاتخلى بلطجية وحرامية ماسكين سلاح متوحشين
كنت بحلم بأن الديمقراطية ها تحل علينا من غير ما يكفروها الجماعة السلقيين
كنت بحلم أم المسلم والمسيحى يحطوا إيديهم فى غيدين بعض متحدين ومتحابين
كنت بحلم أن الاراء تتحد والآرض تتكلم عربى على أرض الكنانة راضــيين
كنت بحلم أن كل حزب ها يعمل لصالح أمنا مصر بنفس راضية بعيدا عن العسكريين
كنت بحلم أن مصر يكون صوتها أقوى وأعلى من أى حزب سواء أخوان أو سلفييـن
كنت بحلم أن المواطن ها يأخذ حقه اللى ضاع من أيام محمد على من جماعة مأجورين
كنت بحلم أن المظاهرات والآعتصامات موش هها تعطل حال الناس الغلابة المقهورين
كنت بحلم أن الفساد أنتهى ولم يبقى إلا الرجال الشجعان اللى على بلدهم خايفـــــيين
كنت بحلم بيوم ها أعيش فيه مبسوط زى بقية البشر وموش هانبقى محتاجيــــــين
كنت بحلم بأن أقتصادنا أصبحعفى ومفيش حد ها يبقى فقير متبهدل عند الجماعة الخليجيين
كنت بحلم بحكومة تشد من أزرى أنا وأخويا وأبنى وتنصفنا على كل الحكام الظالميـــن
كنت بحلم بثورة تخفف عنا ةتشيل الخصخصة اللى أرهقت الناس وجعلتنا زى الميتيـــن
كنت بحلم أنى أعيش زى الناس بتوع البترول أركب سيارة وأسافر بره ونكون راضيــين
كنت بحلم أن نفوسنا بعد الثورة أتحسنت وأصبحنا أولاد النهاردة ونعمل لصالح بلدنا ومتنورين
كنت بحلم أنى انتخب بدون تزوير ولا ضلال ولا كذب من الجماعة اللى عرفناهم المأجورين
كنت بحلم أن الخوف اللى جوايا ينزاح من صدرى وأمشى فى الشارع من غير خوف من الجبارين
كنت بحلم بأعلام حقيقى غير كاذب يوصل لى المعلومة دون تسطح فكرى من الجماعة الآعلاميين
كنت بحلم بأن شبح الثوريث ينزاح عن بلدنا عشان نقدر نشوف رئيس جديد نختاره وإحنا مرتاحين
كنت بحلم أننا نتخلص من الحزب الضال والمضلل عشان ولادنا يعيشوا مرتاحين غير مضلليـــن
كنت بحلم أن المرأة يكون لها دور فى الحياة النيابية ويكون لها مكان وسط كل الناخبيــــــــن
كنت بحلم أن بلدنا مصر فى مواكب الحرية بتشق طريقها الى غد جديد وسط الجماعة الثورييــــــن
كنت بحلم أننا أحياء زى البنى أدميين

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل