أخر مرة

عمر عبد العزيز

الحوار المتمدن-العدد: 3432 - 2011 / 7 / 20 - 19:37
المحور: الادب والفن
    

أخر مرة
وهل ينفع؟
أعود من تانى فى الدنيا دهية جنين ؟
وأبدأ رحلتى تانى بصفر ذنوب
عيون لسة بتتفتح
براءة يا دوب بتستكشف
حياة من حزننا خالية ... وناس غالية يضمونى
والاقى الدنيا اهى راجعة صديقة بدون قلق أو خوف
وأطمن
فى ندهة أبويا وف ضلة أعيش أحلامى وأتأمن
أجرب شدة الخطوة
وأتكلم ...وأتعلم
وأكتب أسمى يندهنى
وحرف بحرف .. الاقى أنه بيكتبنى
واتية بالنفس عاجبانى
وهل ينفع أدوق تانى
فى أصدق معنى للضحكة على الشفة
وأول حس للطعم على لسانى
وإحساسى بطعم الصيف
وفرحى وجريى على بابنا إذا دق عليه يوم ضيف
ومعقولة يكون ينفع!
بإنى أحس من تانى شعور قلبى بأول حب
ودنيا جميلة بادخلها وباستعجالى عمري يزيد
نجاحى وفرحتى فيها بعيد جاى .. ولبس جديد
وأول مرة بتوضا وأول سجدة أول صوم
وجرس المدرسة بيعزف بيعلن لى نهاية يوم
وطعم الفرحة بالمطرة وقلقى وأنتظار الجاى
وأحساس الشتا الغامض وخوف لما يقل الضى
وتغميضة العيون فى الشمس أتخيل وأتأمل
ربيع ييجى يلون عمر يزوق فية وبيجمل
ودلوقتى
وورق العمر متساقط
وهل ينفع!
ربيع يرسم ورق ساقط
ودة ينفع
جريح ينفخ فى ناى مشروخ وفى ودانة طرب من عود
والاقى إنه
مهوش أحساس تاية منى وعايزة يعود
أتارى أنه
لا نفس الدنيا دى أصلا لسة موجودة
ولا حتى أنا موجود
عمر عبد العزيز
2-7-2011

#عمر_عبد_العزيز (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل