بيان أخير

عمر عبد العزيز

الحوار المتمدن-العدد: 3303 - 2011 / 3 / 12 - 20:33
المحور: الادب والفن
    

بتتوهى ليه وبتسرحى
ماهو برضُُه بعد سنين وانتى فى الظلام متكتِفه
هاتزوغ عنيكى لما فجأه تفتّحى
وطبيعى ضهرِك يوجعِك
يله افرديه اياكى تانى توطى إوعى تريحى
وخلى بالك تبتًََّى فى حريتك
حاسبى عليها ده انتى قهر مودعك
بتشدى سجانك وغِل بيشغلك
عن الف ايد بتشد فيكى تمزَََََََََّعِك
محتاجه ايه فى الوقت ده؟؟؟
ومنين يجيكى العقل يهرب ينفلت..
..لما يلاقيكى محكِّمه فيكى الهوى والأفئدة
خايف عليكى من اللى فات ومن اللى جاى
ورعبى منك لما بتحسى برضا
اذا امس ده كان مش بإيدك خلى بالك وإحذرى
من النهارده..عُرضه انك تندمى
أمانه تِهدِى اتمهلى
إتزوقى وحِلى شعرك فى الفضا
ودوقى طعم النصر من فنجان فى قهوة صغيرة
بتضُم ناسك وإسمعيلهم
عيشى طعم الفضفضه
وخدى ولادك جوه حضنك طمنيهم وإوعى تانى تفرقى
ودوقيهم لجل مايحسوا بأمان
خلى العيال من تانى تلعب فى الحارات
العاب زمان
وتبقى سيرة الحب دايره فى البيوت
وخلى طيبتك تحكمك
إن كان ولازملك طاغوط
وسامحى وإنسى إزاى وإنتى الى اتظلمتى..
..بقيتى قادره تظلمي
وساعتها حاتشوفى ان بكره بيترسم فى عيون وليد
نفسه اللى يوم كان شكِّله ننى الشهيد
حتفخرى وتتبسمى
إنك فى قمة ثورتك
بطلتى اهوه تتألمى
ولساكى قادره تحلمى
________________________________________________
الشاعر
عمر عبد العزير
4 مارس 2011

#عمر_عبد_العزيز (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل