هيك الشعر ضحكة مطر

مروان المغوش

الحوار المتمدن-العدد: 3059 - 2010 / 7 / 10 - 21:31
المحور: الادب والفن
    

القراءة بلهجة الزجل اللبناني



ليش تقولي بعبدك مادام بتحبي الذهب

وبتعرفي إني فقير وكل ماعندي كُتب

ليش الملام يجرح شفاف الكلام

وقلبك خلص باع الغرام وصارقصة من خشب

فايق أنا قديش كنتِ تبوسي خدود القصيدي وتدمعي

وتوصلي لحدود غيمات السما ولعند قلبي ترجعي

وقلك أنا مابنفعك يابنت دربي طويل وليل عمري بلاوعي

تردي تركني مسافرة بحضن الهوى

مين قال أنو القلب بحب الوعي

فايقة بهاك الزمان الكان مجنون ووفي

قديش كنتِ طّيبي جراح الدني ودموع عمري تكفكفي

واليوم صرتِ تمرقي ومعكِ حدا مابعرفو

لا طلعي ولا دمعي وكنك عدد دقات هالقلب مابتعرفي

فايق انا بهاك الجرد, طل النهد مجنون عاتمو الورد

جنت غصون الشجر, مش مرتين بفرد يوم, بتهل يانور الفجر

وضيعت من فرحتي شفاف الكلام, وضاع من عمري الشعر

بكي الهوى ونمنا سوى, فراشنا عشب الجرد ولحافنا ضو القمر

واليوم صرتِ يامدام بخوفك حتى السلام

عيشي بخيارك وعليِّ لا تحزني

بعدو القلب عشاق وبالعين بعدا السوسني

هيك الشعر مثل السحر بيغفى بحضنو الكون وعاشفتو بيحلى الخمر

عهُدب عينو يامدام بتكبر النخلات وبدمعتو نفحة عطر بتلملم النجمات


كل ما طل الشمس يغني صبايا وهمس

بيعشق شمس بكرا وبحب شمس اليوم

وبظل يعزف عالمدى عاوتار الأمس

هيك الشعر ضحكة مطر بتطل لحظة ال بدها

مرة بتضحك ودمعتا بالعين ومرة بتبكي والفرح حدها

يمكن يكون جنون ويمكن يكون الصدق بِ هالكون

أما الأكيد إنو الحقيقة الساكني بقلب الوريد

ضيعت عمري أسأل لذاتي السؤال

بحبا انا ولا بحب بعيونا القصيد

#مروان_المغوش (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل