الحق رقم ألف

لؤي عجيب

الحوار المتمدن-العدد: 3040 - 2010 / 6 / 21 - 11:43
المحور: الادب والفن
    

" لك الحق في إلتزام الصمت دائماً وأبداً"


" .... وفي مجال العلوم و الطب وآخر اختراعات واكتشافات الأطباء الباحثين، أن فصلوا دوائياً بين الثنائيات الجسدية " اليدين .. العينين .. الكليتي..... إلخ .." حيث توصلوا إلى فصل الدواء نفسه حسب جهة الجسم " يمين .. يسار" و تمكنوا من وضع عقار " يمين يسار " من كل ثنائية جسدية ليعالج العقار فقط الجزء المتضرر من الثنائية ، فإذا كانت العين اليمنى هي المتضررة .. يعطى عقار خاص بعلاج العين اليمنى .. كذلك الأمر بالنسبة لليسرى .. أما في حال الضرر لحق بالثنائية كاملة .. يعطى العقار العام لعلاج كلتا العينين ... وقد أعتبر هذا الدواء ثورة حقيقية في مجال الإكتشافات الطبية بحيث لا تتضرر الأجزاء السليمة في الثنائيات جراء الأدوية التي يتعاطاها المريض لعلاج إحداها .. هذا وقد بين ...."

- والله خبر حلو .... يا عمي وين نحنا ووين هنون ...
- سيدي .. هنون بيتعبوا .. وبيبحثوا ... وبيخترعوا ... ونحنا ناخد كل شي عالبارد المستريح ...
- بس مهما كان ... حرام نحنا نكون مستهلكين للحضارة بس .. لازم نعمل شي يفيد الإنسانية ...
- عم نصرف الأدوية يلي بيخترعوها ... مو فائدة كبيرة للإنسانية هيدي ..؟؟؟
- قصدك عم نستهلك ... جهودهم وتعبهم ....
- شو ما بدك سميها .... عم نستفاد متلنا متلهم ... وما عم ينقصنا شي أبداً .... ولولا منا ما بيسوقوا منتجاتهم أبداً .... يعني نحنا عم نفيدهم متل ما عم يفيدونا ... ما حدا ألو فضل علينا ....
- رأي جميل ... بس يكون نابع عن قناعة ....
- طبعاً نابع عن قناعة .. لكن نابع عن إكراه ...
- عن إكراه .. لا ... بس ممكن يكون نابع عن خوف من الحضارة ومجاراتها ...
- حلو هالحكي ... نحنا بشر خايفين وما بدنا نساير الحضارة ورح نبقى مستهلكين ... هيك أريح إلنا من وجع الراس ... معادلة متوازنة ... هنون بيتعبوا وبيخترعوا .. ونحنا نشتري إبتكاراتهم بفلوسنا ....
- بس مصير الفلوس تنتهي ....
- ربك ما بينسانا من رحمته ... لما تخلص ... رح ينعم علينا بشي تاني ...
- بس .... .... .... .... ..... .....
.... .... .... ..... .... .... .... .... ....

- هه ... هه .. هه .... حلو هالكلام .... حلو كتير .. كتير ...
- سيدي ... شكلك انبسطت من هالخبر ....
- كتير .. كتير كتير عجبني ..
- فيني أعرف ليش سيدي ...؟؟؟
- أيه طبعاً ... هيك نحنا نرتاح ونشتري وجع الراس ...
- ما فهمت عليك سيدي ... شو قصدك ....
- من اليوم وطالع ... ما عاد فيه داعي للتقارير .. وللإستدعاءات على الفروع ... وما فيه داعي للتحقيق حتى نعرف إتجاهات وميول الأفراد بمجتمعنا .... يعني بكل بساطة ما فيه داعي لكل هالعدد الهائل من المتطوعين عندنا حتى تنقل الأخبار وتفتش وتدرس المحاضر والتقارير ....
- والله كمان ما فهمت عليك يا سيدي ... شو دخل الخبر .. بالموضوع يلي عم تحكيه ... سيدي ....
- يا ابني .... من اليوم وطالع ... ما عاد فيه داعي نفرز ناس تراقب الأفراد وتكتب تقارير عنهم ... صار كل صيدلاني هو مجند لخدمتنا بالحي يلي هو موجود فيه، ورح نعتبره مسئول مسئولية كاملة أمام الوطن .. ويعطينا إفادته دائماً عن الناس يلي بياخدوا أدويه من عنده وهيك نعرف إتجاهات الناس ... من خلال تعاطيهم الأدوية ... وتلقيهم العلاج ...
- والله كمان ... ما عم .. أيه ... هلا فهمتها ... يعني ... الدوا صار " يمين ... يسار " ونحنا .... آه .... خلص ... فهمتها تمام ... يعني كل واحد حسب الدوا يلي بياخده ... آه ... والله ياسيدي أنكم أذكى من يلي أخترع هي الدوا .....

#لؤي_عجيب (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل