قطة سودا .. وكرسي رئاسي فارغ

حسن إسماعيل

الحوار المتمدن-العدد: 2311 - 2008 / 6 / 13 - 11:16
المحور: كتابات ساخرة
    

10 مشاهد جامدة قوي .. ايه البواخة دي !

الجلوس مع لوسيفر - " لوسيفر اللي هو ابليس والعياذ بالله " - على مقهى في وسط البلد أهون مئة مرة من مواجهة لغباء وجهاً لوجه

فيلسوف من الإسماعيلية

المشهد الأول ..
كرسي مليان هوا يسبح على وجه الماء ، متربع عليه فارغ منتفخ إلى حد التخمة
بيبـُظ منه عدم بيتمرجح من خيوط هوا في الهوا

المشهد الثاني ..
مكتب ضخم جداً خشب جدر ، روستيك الملمح ..
ركباه نملة وقدامها طابور من النمل منكس الرأس
ملهوش في الرقص متخصص في الهجص
منتظر حضرة سيادة بيادة النملة .. تبدأ بالرفس

المشهد الثالث ..
حد مش متخصص خالص
بيوجه حد مش متخصص برضه
في موضوع متخصص جداً
بيهز اللي مش متخصص برضه راسه للي مش متخصص خالص
فيمضي له اللي مش متخصص على كل خلاصة راسه
فيبوسوا اللي مش متخصص برضه في حتة في راسه
فتطلع راس اللي مش متخصص مش راسه
والبوسة في راس اللي مش متخصص تطلع راسه


المشهد الرابع ..
حصالة .. زي المصفاه شكل السحاب
تحتيها أفواه على شكل جيوب
منتظرة المن والسلوى ودبدوب وقلوب
على حبة أحلام .. بتوابل وأي كلام
وحروف مرصوصة تطلع جملة .. تطلع شفرة .. تطلع حجرة .. تطلع حشرة
أهو كله كلام

المشهد الخامس ..
لا مؤاخذة شارع متسفلت صح
لا مؤاخذة واحد في مكانه الصح
لا مؤاخذة كتاب اللي كاتبه مبدع صح
لا مؤاخذة معمل فيه معادلات رياضية صح
لا مؤاخذة حقوق حيوان للحيوان الصح
لا مؤاخذة حقوق إنسان للإنسان صح
لا مؤاخذة وطن
مش تجمع عشوائي
لا مؤاخذة


المشهد السادس ..
سجادة حمراء طويلة طويلة طويلة جداً
وأنوار على الصفين مضلمة اوي
وعيون جاحظة وكروش ملهاش في البديهة ولا في الملاحظة
وخيالات مآتة مترصصة مفيهاش خيال مآتة سوي

المشهد السابع ..
جنينة كلها شجر تفاح مش أمريكاني
وايدين زحفة جعانة من بحري أو من قبلي
جوع من بره أو جوع جواني
حـَلمّانا بالفردوس وبالكؤوس وبالظلال وبالغموس

المشهد الثامن ..
كوب كأس ماء بارد فاضي مشروب قبل كده
ولقمة عيش حافية متكلة قبل كده
وبصة عين بايتة اتبصتلي قبل كده
وعهود فارغة متقالة كده وكده
وأحلام فاترة ما ليها صاحب ولا ليها عدا

المشهد التاسع ..
موهبة وتسويق وتجويد
أضلع مثلث النجاح
والكتب ناس في البيوت .. والناس كتب في الشوارع
القافلة تسير والنباح هو النباح
وأفيون الشعوب يـُباح في أزهى عصور النباح
ونبش الجرحى لقبور الجراح
ريحتكو فاح .. فاح يا حبيبي فاح

المشهد العاشر ..
هرمجدون .. والكأس المقدسة .. ويهوذية اللمس
وإظلام القمر وانفشاخ الشمس
وعز الضهر في الهمس
ووسوسة الأمس

#حسن_إسماعيل (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل