طالب الجليلي
(Talib Al Jalely)
الحوار المتمدن-العدد: 4685 - 2015 / 1 / 8 - 21:49
المحور:
الادب والفن
برد الشتا ....
تدري من كل كلبي
أعاتب !!
مره اكولن
لا يروحي
خوفي اعلا خيط
المودّه
المعاند اويربطنا
ابحنينه..!!
ورد مرّه ابحركه اعاتب !!
من ينلجم جرح
المابرا ابٌلسم...
ولا بطّل ونينه !!
تدري !
كل لحظه المضت
وياك ...
تسوى
كل عمري التعدى
بيّامه وسنينه !!
اوتدري وردة الصبار
تتذكر ؟؟
نحسدها جنّا
اعلا الصبر ،
يعصر ابلبها العطش
تنثر الفرحه اوتبتسم
للي صدفه
ايمر عليها...
اوتدري كل ذرة رمل
على اجتاف الدروب
المشيناها
طكّت ورد أحمر!!!
بس ..!
ياحسافه
تانا جيّتنا.. اوذبل!!
لمّن جفينا..
طاوعت كلبي
اللي ما يبطل رفيفه
اوكلت..
وك يا شتا العشّاك
يلكلّش صلف..
ولو بالطيف
لحظه وحده
اشوفنّك يا ترف
حلم..
يللي بيك ادري
او عودتني
حت بالحلم
تبخل علينا
8 ك2 2015
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟