جواد القابجي
الحوار المتمدن-العدد: 4063 - 2013 / 4 / 15 - 13:38
المحور:
الادب والفن
فرصه يمَّك وصحه هذا إنتخاب
لاتظن تنفتح كل مرَّه الأبواب
************
فرصتك تنتخب وتغيِّر الحال
صير واعي اتدرَّع ابثوب الأبطال
صيح لا .. ماجامل اوهذا محال
ياما جاملنه اونتيجتها الخراب
*************
لا تناصر إيد تمتد عالحرام
اصحه فك عينك اوإسهر لاتنام
وطرد امن الوطن اولاد الحرام
ونتخب طيّب شهم ، عوف الألقاب
**********
ثور لجل الفقره ضد الفاسده
ثور ضد كلمن علينه حاقده
الجبها ضدّك هم حرامي اوقاعده
ناس تنهب ناس تقتل بالأحباب
***************
بيدك التغيير أنته أبو الكل
صول صولات البنفسج لا تمل
گوم وختار الشريف امن الأصل
وگول للباگوك : إجه يوم الحساب
*************
گوم ضد الجهل ضد التفرقه
والمساواه والعداله اتحققه
واليخرِّب عالجه بالمشنقه
اوعاش شعب اعراگنه اخوه وحباب
***************************
[email protected]
#جواد_القابجي (هاشتاغ)
كيف تدعم-ين الحوار المتمدن واليسار والعلمانية
على الانترنت؟