حكايات شعبية من مدينة يثرب 17

حسين سليم
(Hussain Saleem)

الحوار المتمدن-العدد: 8243 - 2025 / 2 / 4 - 16:12
المحور: الادب والفن
    

(19)

شلع الأسنان بالانتخابات!

- اليوم الشارع والسوگ مليان حركة؟
- أي اليوم رواتب رعاية ومتقاعدين وحرامية ومجادية!
- أها حرامية ومجادية اشلون؟
- لأن هذا يومهم للصيد.
- تدري الي يأخذون رعاية اجتماعية عددهم 7 ملايين.
- هي شنو رواتب الرعاية، شتكفي وين اتحطها هلمية وخمسين؟ والمتقاعدون عددهم حوالي 4 ملايين متقاعد، و "يزداد 120 ألف متقاعد سنوياً” رواتب الكثير منهم لا تسمن ولا تغنى كما يقال.
- الحكومة تگول هذه السنة انخفضت نسبة الفقر إلى 16.5%!
- ادري شنهو معايير هذا الانخفاض؟ اشو أعداد الرعاية والبطالة في تزايد. لا حسابات نتاج الدخل الوطني ولا مقايس الحالة المعيشية، ولا حتى مقياس البنك الدولي لخط الفقر 6.85 دولار باليوم.
- يعني؟
- أنه وانت نشوف هاي الحكومة إحصاءها غير دقيق. الوادم نص الشهر تعيش على الراتب والنص الآخر على الدين.
- انت ما شفت هذولة ليبعون كلاويهم وخصاويهم مقابل 80 ورقة، لو شباب عمال المسطر يشلعون سنونهم عند طلاب طب الأسنان اليتمرنون، كل سِنّ مقابل 25 الف دينار.
- هاي الكليات الأهلية بالطب مشكلة.
- من هيجي صار الما يجيب معدل عالي يدخل الكليات الطبية بسهولة والمضمد صار طبيب والصيدلي صار طبيب وينطي دوة.
- لذلك قلع السِنّ صار مهم بالانتخابات.
- اشلون؟
- انتخابات مجالس المحافظات الماضية، كان سني يوجعني وردت اشلعه، جاري گال اعرف طبيبة يم (تقاطع يثرب)، اتشلعه بلاش، گلتله معقولة؟! گال اي معقولة بس جيب وياك البطاقة الوطنية وبطاقة السكن، استغربت هيج صاير الطب عدنا يسجل معلومات دقيقة لغرض الأحصاء والدراسات.
- وشتبين؟
- أثاري ياخذون المستمسكات لغرض التصويت لمعارفهم بالانتخابات. گلتله لا عيني ما أسويها، اني ادفع فلوس شلع سني.
- يمكن هالسنة الطبيب يدفع فلوس فوگ شلع السِنّ علمود الانتخابات!

#حسين_سليم (هاشتاغ)       Hussain_Saleem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل