كل النصوص ميتة

مختار سعد شحاته

الحوار المتمدن-العدد: 8164 - 2024 / 11 / 17 - 04:48
المحور: الادب والفن
    

كل النصوص اللي بأكتبها وأنتِ ماسمعتهاش، كلها نصوص ميتة ولا بتحياش غير لو سمعتيها...
ساعات الناس بتخلط ما بين الحب والترياق، وأنا المشتاق...
بترميني القصايد على بابك، وأهو بابك أحن من باب اللي مايتسماش...
بأمد إيديا خيوط الفجر، على طول المد، بتطلب نور، ولا هتجور، شموس حبك بتتوزع تمام بالعدل؛
هنا نورك، وهنا نورك وهناك منين ما أكون بأتحامى ف نفس الضيّ، وقلبي قال جامد ولا بيخاف، وأنا خوّاف، ومين غيرك عليا يخاف؟!
يا ست الكل نيلك النادي على جبينك، ولا بيبوح، أمين ع السرّ...
عنيك قمر فارش رضا منين ما يُطل، يا ليلك فلّ...
أنا الواد اللي تبت ف ايد أمه ساعة الهرْج، وخاف ليضل!!
لو كان إله للناس ف السما يا أمَّا، وأنا مُنكر، أكيد معاك يحن، ويفتح قُليبه الولد محراب للراغبين في الحب.
يا أمي الإله نوره ما بين إيديك سال ولا اتسرسب...
يشيب قلب الولد ف البعد متسلسل، يا مين يخده لحضن الأم!!
دا أول آية في الإنجيل، كانت الكلمة، وخبّوها، الكلمة كانت أُمّ!!
وقرآن المغرب اللي بنستناه، عشان يسرق المغني ف صوت الفجر، عارف وفاهم قولي ومين معناه...
حملته "وهنًا على وهنٍ"، وكتمت ياااااااه، يا طول صبرك على الألم والآه، يا أعظم أُم...
لو كان وجودي عدم يا أمّا، أنت مُنشاه، وأنت الوطن قبل النشيد ما يؤم!!

#مختار_سعد_شحاته (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل