انت متسبسب كدة ورايح على فين ؟!

ماجد الحداد

الحوار المتمدن-العدد: 7887 - 2024 / 2 / 14 - 22:44
المحور: دراسات وابحاث في التاريخ والتراث واللغات
    

" _ حبيبي انت متسبسب كدة ورايح على فين ان شاء الله ؟
= ابدا با حبيبتي مشوار سريع تبع الشغل ؟
_ شغل ؟؟؟ انت ناسي ان النهاردة الفلانطين . والواجب نقضيه مع بعض ؟! ...
انا عارفة انك بتخوني .
= وانا عارف انه يوم مش فايت " .

( متسبسب مسبسب بيتسبسب بتتسبسب ) . كلمة بنقولها كمصريين ومقصود بيها انت بتسرَّح/ي ومتأنق/ة في لبسك عشان تخرج/ي

الحقيقة ان فيه لعبة تلاعب بيها المصري من ذكائه في المدلول .
المعنى الظاهر لينا انها بتقول له انت بتسرح شعرك ومتانق ليه ؟ . والمعنى الحقيقي ان :
ان كلمة سب_سب المصرية معناها : يذهب .. يروح .. الذهاب الى .
وهو نفس معنى السرح : التحرير والتحرك من قيد المكان والمجتمع .
الارتباط الشرطي بين المدلولين خلى المصريين يرجعوها لاصلها ويختصرو المدلولين في مدلول
واحد .
كمان من كلمة سب المصرية جائت كلمة ( سيب ساب ) اي ترك وأطلق سراح الشئ
زي افيه في فيلم مثلا : " سيب وانا اسيب " .

وبذلك بشكل عام نصيحة اجتماعية مستخلصة من الحوار :
لما حبيبتك .. خطيبتك .. مراتك . يكون مضمون سؤالها :
" يا احمد انت رايح تعط فين ؟ " .او انك متسبسب ومسرَّح ومستحمي عشان صاحبك برضو ؟! "
يبقى معنى السؤال انت متسبسب وسايبها وهتخرج واحتمال كبير تخونها ؟
يعني انت هتمشي وتسيبني وتخرج اكتر من معناها انت ممشط شعرك ولابس حلو ورايح على فين ؟! .
ويتكامل المعنى ككل لما نقول و انت متسبسب يعني برضو : مستعد للخروج .
ارتباط التأنق بالخروج اكد على المعنى .

عزيزي / احمد : لو سمحت انتبه لاي برفان حريمي يلزق في هدومك او شعراية صفرا او حمرا او كستنائية تلزق في هدومك أثناء الحضن . لان مامتك شعرها اسود وبتحط ريحة ( سيكاريه ) يا حلو
وحاول تقلل من زوغان عينيك أثناء الاستجواب قبل وبعد الرجوع . ولو قدرت تكتم نفسك وتوقف فيرمونات اللي طالعة منك . عشان هي هتجيب سرك وهتشم كل ده برضو .
فخلي الثبات الانفعالي عنوان حل مشاكل الفلانتين دائما .

كل سنة وانتم طيبين

ديباجة تتمة مقالات اللغة :
ورغم كل اللي قلناه تلاقي اللي يقول لك اللغة العربية اصل كل اللغات
واللي يقول لك الحاكم بأمر الله قطع لسان المصريين عشان يتكلموا عربي بالقوة وكانه عادي يحول شعب لمجموعة من البكم والخرس .
واللي يقول لك بين المصرية والعربية حرفين جر .

مرفق رابط به صورة من قاموس عالم المصريات ( الان جاردنر ) لان موقع تاخوار المتدمن لا يوفر ارفاق صور وشرائح في المقالات
https://www.facebook.com/share/p/kzrM31G54yXT4SPn/?mibextid=Nif5oz

#ماجد_الحداد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل