طاقة الاهرامات

ماجد الحداد

الحوار المتمدن-العدد: 7689 - 2023 / 7 / 31 - 11:43
المحور: دراسات وابحاث في التاريخ والتراث واللغات
    

نحليلي للقاء الصديق المهندس / احمد عدلي مع لقاؤه مع الروائي / احمد مراد
أُرسل اليك باقة ورد 💐 ومحبة ❤️ لشخصك الجميل الهادى المجتهد .
لكن اسمح لي بالدردشة عن حلقتك مع الروائي / احمد مراد :

انا مش هعمل زي غيري كتير ما عملو وكانوا قاسيين في النقد .
انا بس هدردش معاك شوية بس على العام لانك صحيح انك قدمت أطروحة اعذرني هي غلط بمفاهيم علم الآثار والمصريات والانثروبولوجيا .

لأن الكلام في الحلقة على ان الاهرام مصادر للطاقة واستحالة لناء الحضارة المصرية للمصريين بناء على قياسك على تكنولوجيا عصرك .
ده بيقول أن حضرتك أسقطت مهنتك كمهندس من القرن الواحد والعشرين اللي بيختلف مفاهيمه المعرفية _ ابستمولوجيا _ على مفاهيم دينية واسطورية ورمزية واضحة وصريحة في الدين المصري ، ونصوصه المقدسة والمتوافقة تماما مع شكل وتصميم واسباب انشاء هندسته الدينية هرم كان أو مسلة أو صرخ أو محور معبد آخره چسر چسرو _ قدس الأقداس _ حتى تصميم الأبواب الوهمية في سقارة ، والتوافق مع النظام الفلكي المبني على الأسطورة بالصبط .. الخ .
مفيش حاجة اسمها الاهرامات كانت للطاقة واستخدمت كمقابر .
لا .. هي مقابر ومصممة هندسيا ودينيا حتى بفتحاتها انها تكون مقابر ولقينا في كتير منها مومياوات . رغم ان اول شئ بيتسرق في المقبرة هي الموميا عشان المجوهرات والدهب واجزاء من الموميا بتستخدم مع دجالين السحر المغربي والفودو .
وطبعا عشان البحث عن ( خرافة ) الزيبق الاحمر اللي مالهاش اصل .

صديقي العزيز :
لو نويت تتكلم عن المصريات وعن الناس اللي بنوا الحضارة دي . يبقى ما تتكلمش عنهم كمهندس حتي من القرن الواحد والعشرين .
انت عارف ان الاسقاط بيمنعنا اننا نكون موضوعين ونقدر على إجراء ( العزل ) أثناء البحث . لكن بالطريقة اللي شوفناها دي كدة المعايير مش بس مش منبضطة للقياس . دي كمان طريقة مضللة بترسم خط افتراضي في الفراغ المعرفي لدى المستمع في الاخر ان الاطلنطيين اللي عملوها ولا اي خرافة فضائية حديثة تانية .
صديقي العزيز :
اقرا في لاهوت المصريين وادرس اساطيرهم كويس رجاء عشان تعرف الهرم اتبنى ليه .. ده انت يا صديقي بنفسك قايل مع الاستاذ مراد أن قمة المسلة هي تلة بن بن الأزلية !! .

والحقيقة أنا مش فاهم حكاية القطع بالليزر دي التانية اللي بيقولها كهان الطاقة و هنا كلامي للجميع :
لا يليق كله بيقول لك الحجر ما بيتقطعش عشان صلد يبقى ما ينفعش غير بالليزر ؟!
امال الالماس والكوارتز موجودين في الطبيعة ليه ،، ماهم اصلد مواد ممكن تستخدم في قطع اصلد الاحجار على الكوكب .
وعندك بحث نشرته جامعة #Harvard عن اكتشاف فأس من الصين يعود تاريخه للعصر الحجري الحديث من ٤٠٠٠_٣٥٠٠ ق.م مصنفرة بالالماس والياقوت الاحمر .
وذكرت الدراسة أن الالماس كان بيستخدم في الهند لثقب الخزر في سنة ٥٠٠ ق.م ..
يعني كل دول استخدمو الالماس واحنا لا ؟!

ممكن نقرأ سؤال بديهي من شخص متعجل :
" وهو احنا ما اكتشفناش ماس كتير ليه في المقابر وورش فنانين بتاح ؟! "
طبعا الإجابة النموذجية :
" كلنا عارفين ندرة الالماس في الكوكب وتخيل مهندس او فنان يملك القطعة النادرة دي اللي بتاكله الشهد . ويتحقق غرض الملوك والنبلاء في النحت والتلميع الاحجار الصلدة هيسيبها ولا يتوارثها أحفاده لحد ما الماس بقى له قيمة اقتصادية كبيرة في التاريخ الحديث .
ده احنا لسة كل يوم بنكشف جديد . فممكن جدا نكتشف الالماس أو الكوارتز اللي بيستخدموه ".
عندنا نظرية منطقية ممكن دراستها ولها أدلة أثرية في شعوب تانية نسيبها وندعم فرضية الغائيون اللي ما نعرفوش عنهم حاجة الا في خيالنا . عشان مُصرِّين أننا نسقط حياتنا المعاصرة تكنولوجياتنا وطرق تفكيرنا بتنكولوحيا قديمة وطريقة تفكير مختلفة لشعب انقطع بيننا وبينه علومه لأسباب دينية لا مجال لذكرها .

حابب اوضح نقطة محورية :
الاهرامات اتعلمت مقابر وبعدين استخدمت للتبرك بسبب قداستها الهندسية الدينية الكونية وقداسة من صنعت لاجله لحد ما وصلت لاساطير الطاقة الجديدة
مش العكس .

المشكلة التانية أنك يا صديقي العزيز حضرتك ومن يدعم فرضيات الخوارق اننا دلوقتي في عصر مادي استهلاكي فهتلاحظ ان كل الشعوب بتبني مبانيها لنفس اغراض مباني المعاصرة اللي فيها مولدات طاقة ومولات ومطاعم وملاهي وشركات .. يمكن كتير مايعرفوش أن الدين وعلاقته بالكون هو المحرك الأساسي للحضارة المصري كل النقوش والكتابة والصور هي مسحة قداسة على كل ما يفعله المصري .. يعني الدافع عنده يخليه يبني أعظم مما تخيلت كمان . عشان برضو فيه شعوب تانية بنت حضارات عظيمة برضو لغرض ديني. واظن دي مش محتاجة اثباتات برضو .
انا كان عندي كلام كتير أقوله بس قفلت اني أقوله لما شوفت اغلب الحلقة اواعذرني وده خطأ مني ما اقدرتش اكملها لاخرها . لكن عذري القوي لاني حزنت بسبب غياب معلومات عميقة وضخمة عن انثروبولوجيا المصريين وعدم ريط المعلومات السليمة منها بناء على معطياتنا عن المصريين في هذا الطرح لما شاهدت اغلبه .

اتمنى لك التوفيق في بحث آخر .

رابط خبر دراسة هارفارد
https://news.harvard.edu/gazette/story/2005/02/in-china-gems-used-as-tools-millennia-earlier-than-thought-2/

#ماجد_الحداد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات