هيشرق من تاني النهار

ميلاد ثابت إسكندر
(Melad Thabet Eskander)

الحوار المتمدن-العدد: 7361 - 2022 / 9 / 4 - 10:22
المحور: الادب والفن
    

** هيشرق من تاني النهار ***
هــو مــاس ؟!؟ احـتـمـــال
أو يـمـكـن ثـقــب الأوزون والاحـتـبـــاس
أو نَّيزَك م السما وقع علي التكييف وداس
كـل شــيء وارد يا نااااااااااااااااااااااااااس
أو غراب تايه من أمه، خبط في فيشة الكهربا
دي الـحـقـيـقـة من إللــي جـاري مـســتـغـربا
والـمـنـطـق لـطــم عـلــي خــدُه
بشبشب مقطّع وانتحر خلاص

يـفـوت يـومـيـن وكـنـيـســــــة تانية تتحرق
وفي ثواني حتي قبل ما تنطفي يقولوا ماس
وغصب عنك تقول أمين
كلام حقيقـي دون التباس
يا إما تبقي عميل خسيس
صـهـيـو أميركي ، صاحب أجندة من حماس

ده نجيب سـاويرس عنفـوه ؛؛؛ لما قال تعـازي مافيش
قبل ما الجاني يبان ويتعاقب كمان ولا دمنا مايساويش

الحكاية مش حريقة وأطفال بريئة راحت بلاش
السما أجمل كتير ويابخت إللي مع الرب عاش

المصيبة السودة فينا ،،، أيوه بجد الله يعافينا
النار إللي قادت في الكنيسة مش موَّلِد وانفجر
ولا حتي دخان الحريقــة كان الخطر
انسي أي حاجة سمعتها في كام خبر
الخطر الحقيقي: فكر معجون بالسموم وانحصر
سم الـتـعـصـب والتحزب ،، سم اكره سم كـفَّـر
سم سيف دبَّح الفضيلة والإنسانية
وافـتـكــر أنـه لله انـتـصــر !!!!
سم أوعي تترحم عليه وتقول شهيد
أو فـي يـوم عيده تقوله : عيد سعيد
لو حتي كان ( ملك القلوب ) برضو كافر فــي النار أكيد
" الكنيسة ولعت والقسيس مات " كنا بنسعها زمان نشيد
وجيل يسـلـم بـعـده جيل ،، نـفـس الـثـقـافــة مافيش جديد

بس الجديد إن إحنا شوفناها بتولع قدام عنينا مش كلام
عيال وكانوا صغيرين علي العداوة مفطومين
راضـعـيـن ثـقـافـة الكره والـتكفير والخصام

كـبروا، وكـبـرت مـعـاهـم بذور العـداوة وطـرحـت ثمـار
دبح وتكبير، خـطـف وتهجير، ظلم وتـبـريـر، تفجير ونار
تهديد ووعيد ومافيش تجديد ومواطنة فشـنك يادوب شعار

أصـل صوت الـحـق مـتـسـلسـل بقيـد الازدراء
تخلف غباء، تنطع دهاء، والجهل طافح بالمرار

بس شايف وسط ضلمة الجحور، بصيص من نور
عـمــَّـال بيضوي من بعيد ،، زي ومضات الشرار
عقول مخالفة للقطيع ،، خايفين لا مصر منا تضيع
هُـمـا الأمـل، وبـفـكـرهـم يـشــرق من تاني النهار
اســلام ، وعـيـســـي ، ومُـنـتـصــر
والهلالي، عبد الله نصر والمستشار
أمتي هنفوق ونساعدهم ؟!؟
كـفـــاية سـنـيـن بـنـحاربهم
أنا من قلبي بأتمنهم علي مصر بلدي ،،
ولو بإيدي أخليهم بفخر صُناع القرار .
************

#ميلاد_ثابت_إسكندر (هاشتاغ)       Melad_Thabet_Eskander#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل