ميلاد ثابت إسكندر
(Melad Thabet Eskander)
الحوار المتمدن-العدد: 6860 - 2021 / 4 / 5 - 09:47
المحور:
الادب والفن
مافيش في الدنيا حاجة بتدوم ،، ده كل شيء بيتغـيَّـر
حقيقة واضحة يوم ورا يوم ،، ما تحزنشي وتتحـيَّـر
وأوعي تشيل للحظة هموم ،، ده عُمر معَدي وقصيَّر
حتي إللي أنت حبيتهم ،، وكانوا بجد بيحبوك
وياما أكلت في بيوتهم ،، وياما بحبهم غَمروك
هينسوا في يوم محبتهم ،، ولا كأنـهـم عرفوك
ما تستغربش أيه جرالك، دوام الحال يا صاحبي مُحال
ولا تـبـكـيش علي حالك ،،، هـتـتـعـود علـي الأهوال
ومهما غدرها طالك ،،، ماهيش باقية مصيرها زوال
*****************
#ميلاد_ثابت_إسكندر (هاشتاغ)
Melad_Thabet_Eskander#
كيف تدعم-ين الحوار المتمدن واليسار والعلمانية
على الانترنت؟