هەرێمى کوردوستان پاش ٣١ ساڵ بۆ پێشەوە یان بۆ دواوە؟!

احمد حامد قادر

الحوار المتمدن-العدد: 7354 - 2022 / 8 / 28 - 18:34
المحور: مواضيع وابحاث سياسية
    

بۆ ئەوەى کورد واتەنى (تفەنگ بە تاریکیەوە نەننێم) ژمارەیەک لەو کارو کردەوە زیان بەخشانە پیشان ئەدەم کەهەردو حزبەکەى دەسەڵات ئەنجامیان داوە و ئەیدەن. و بون بە مایەى ئەم ڕۆژگارە ڕەش و ناهەموارەى کە دانیشتوانى هەرێم تیادا ئەژین و لە مەینەتیدان.
پێشەکى بە رەئى زۆر کەس لەوانەى وەک چاودێر بە دواى ڕوداوەکان و بارودۆخەکەدا ئەچن. ئەو ناکۆکى و دوبەرەکیە ژەنگ هەڵهاوردوەى بەینى یەکێتى وپارتى هۆکارى سەرەکى و بنەڕەتى تێکڕاى ئەو پاشەکشێ و مەینەتیانەیە کە خەڵکى ئەم هەرێم/ ه دوچارى بوون. چونکە ئەم ناکۆکیى و دوژمنایەتیە بو بە هۆی ـ
یەکەم ـ بوبە هۆکارى شێواندن و ساختەکارى و پاشاگەردانى هەڵبژاردنەکەى ساڵى ٩٩٢ و دواتر هەڵوەشاندنەوەى یەکەم پەرلەمانى هەرێم.
دوەم ـ هەڵوەشاندنەوەى بەرەى کوردوستانى و بە مەبەستى بێ بەریکردن و دورخستنەوەى حزبەکانى تر!!
سێیەم ـ پێکەوەنانى (حکومەتى (٥٠ بە ٥٠) و دواتر بو بە مایەى هەڵگیرساندنى شەڕى ناوخۆ ئایارى ٩٩٤ کە تا ساڵى ٩٩٨ درێژەى کێشا و رێگاى خۆش کرد بۆ تورکیا و ئێران و ئەمریکا کە جێگە و رێگە بۆ خۆیان و کۆمپانیاکانیان سازبکەن!!
چوارەم ـ ئەو شەڕەى کە هێندەى تر ئەم وڵاتەى کاول کردو ئەم گەلەى داماو و دەربەدەر کرد!!
پێنجەم ـ ئەو شەڕەى کە خەڵکى (زاخۆ) ى کرد بە دوژمنى خەڵکى (هەورامان)!
شەشەم ـ ئەو ناکۆکیەى کە بەرژەوەندى هەردو حزبەکەو کۆمپانیا نابوتەکانى ئەوروپا لەسەر حسابى ئەم میللەتە بوژانەوە و بون بە ملیاردیر. و خەڵکێکى زۆرى ئەم وڵاتەشیان (دەستەمۆ) کرد وەک شەریک و وەکیل!١ بەجۆرێکیان بناغەیان داڕشتوە مەگەر هەر خۆیان هەڵى بتەکێنن!!
حەوتەم ـ هەر ئەم دو بەرەکی و ناکۆکیە بو کە دوژمنانى کورد (عێراقی و بێگانە) توانیان حوکمەزاتیەکەى (صدام حسن) بسەپێنن بەسەر پارتى و یەکێتى دا.
هەشتەم ـ هەر ئەم برژەوەندى پەرستیە بو کە ناوچەدابڕێنراوەکانى ئەم بەشەى کوردوستان تا ئەمڕۆ بوە هۆى لە بیربردنەوە و چاوپۆشى کردن لەوبەشەى هەرێم کە ئەبوایە لە ماوەى (٧ حەوت) ساڵ دا. واتە لە ٢٠١١ دا بگەڕێنرایەتەوە سەر هەرێم.
نۆیەم ـ هەر بەم هۆیەشەوەیە کە ئەمڕۆ هەرێم لە هەمو ساڵیکى پێشوتر ـ
١ بێ کارو کاسبى ترە. ٢ برسى ترە و هەژارترە. ٣ بارى ئابورى و کۆمەڵایەتى شپرزەترە. ٤ دەسەڵات لە دانیشتوان دورە پەرێزترە!! ٥ ملیاردێر و هەڵئاوساوى زۆرترە. ٦ کۆچکردوى بۆ وڵاتانى تر دەیان جار زیاترە!!
دەیەم ـ ئەگەر ئەم دو بەرەکیە و دەرهاویشتەکانى نەبوایە لەم (٣١) سالەدا ـ
١ هەرچى زەوى کشتکاری هەیە پوختە و ئامادە بکرایە و بەرهەم دار بوایە.
٢ هەمو گوندەکان ئاوەدان بکرانایەتەوە. کۆمەڵگە زۆرەملێ کانى (بعث) تەنها بۆ چەند نمونەیەکى بۆ مێژو بمایەتەوە.
٣ ئەبوایە بەروبومى باخ و بێستانى هەرێم ڕەوانەى دەرەوە بکرایە. نەک وەک ئێستا ئێمە کڕیاربین!
٤ ئەبوایە سامانى ئاژاڵ (وردە و ڕەشە وڵاخ) لەم هەرێم/ەوە بۆ دەرەوە بچوایە نەک ئێمە کڕیاربین!
٥ ئەبوایە ئێستا سەدان کارگەى گەورە و بچوکى بەرهەم دار دابمەزرایە. پڕبەپڕى پێداویستى هاووڵاتیان بەرهەمیان هەبوایە. نەک ئەو چەند کارگەیەش کە هەبون دابجرێن لەبەر خاترى قاسەى ئەم و ئەو!!
٦ ئەبوایە ئێستا هەزاران کرێکارى وڵاتانى دەوروبەر لەم هەرێمەدا ئیشى بکردایە. نەک سەدان هەزار بێکارى خۆمان ڕابکەن بۆ ئەوروپا.
لە کۆتاییدا ئەبوایە ئەم هەرێم/ ە لە سایەى (٣١) ساڵى حوکمى خۆنەتەوەیى, مایەى خۆزگە و ئاوات و قبلەنماى کوردى بەشەکانى ترى کوردوستان بوایە.
جا ئاخۆ ئەمڕۆ هەرێم بەرو پێشەوە ئەڕوا یان پاشە و پاش ئەگەڕێتەوە؟!

#احمد_حامد_قادر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات