همسة اليوم: تفاصيل صغيرة!

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

الحوار المتمدن-العدد: 7208 - 2022 / 4 / 1 - 14:05
المحور: الفلسفة ,علم النفس , وعلم الاجتماع
    

فيه مجموعة تفاصيل بينشرح ليها قلبك..وبتبقى بالنسبالك زي النسمة الباردة في عز الحر! حاجات صغيرة..تافهة أحيانا..بس بتسعد قلبك وتشرح صدرك..مثلا: ابتسامة بريئة من طفل بيبي صغير..موقف ظريف يحصل قدامك في مكان انتظار فتلاقي نفسك بتبص لحد غريب ما تعرفوش وتبتسموا لبعض..كلب وفي أول ما يشوفك داخل في أول الشارع بعد طول غياب فيجري عليك وياخدك بالحضن! حد ما تعرفوش يديلك هدية ويقولك "دي مني ليك"..تلميذ أو تلميذة بتقدرك تدخل وتديلك وردة وتمشي..حد يدخل عليك في محاضرة ويقعد شوية وبعدين يستأذن ويقولك: "معلهش..دي مش دفعتي" فالكل يضحك..طالب بتقدر ظروفه وتكرمه وتعامله زي ابنك أو أخوك الصغير..فعلشان يشكرك تلاقيه فجأة يوطي على كتفك ويقبله..تكون رايح عند جماعة قرايبك تزورهم، فتلاقي عندهم ضيوف واحشينك كان نفسك تشوفهم وتقعد معاهم من زمان! تفكر في حد معين فتلاقيه فجأة قدامك أو بيتصل بيك..في عز ما إنت متضايق وحاسس باليأس وعندك جبال من الهموم، تكون سبب في شحذ همة حد أو حل مشكلة عنده..أو تديه الأمل وتخليه في قمة السعادة..قط أو قطة يجري وراك في كل مكان في البيت ..ولما تفتح الباب تلاقيه في استقبالك مستنيك علشان تعتني بيه..تروح مكان علشان تخلص مصلحة واحدة في دماغك، فبقدرة قادر تنقضي مصالح كتير تانية ما كانتشي على بالك! كل دي تفاصيل صغيرة..لكنها جميلة..بتسعد الواحد وتهون عليه التعب!
خالص تحياتي وتمنياتي بالسعادة الدائمة!

#محمود_عبد_الله (هاشتاغ)       Dr_Mahmoud_Mohammad_Sayed_Abdallah#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل