الجنون هو... (٣٢): السفسطة: إللي ييجي في الفاضية ويتصدر ويتلكك!!

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

الحوار المتمدن-العدد: 7206 - 2022 / 3 / 30 - 13:39
المحور: الفلسفة ,علم النفس , وعلم الاجتماع
    

الجنون هو... (٣٢): السفسطة: إللي ييجي في الفاضية ويتصدر ويتلكك!!
الجنون - في أبشع وأحط صوره - لما تلاقي واحد (أي واحد) متسفسط تافه متخلف (عقليا وإنسانيا وعلميا وإجتماعيا وتربويا... إلخ)، يسيب صلب الموضوع - مثلا في مقال كبير وموضوعي والأول من نوعه في طرح قضية مهمة وحساسة لم يتطرق إليها أحد من قبل، أعجب الكثير من زملائنا َوأساتذتنا (الأعلى مني ومنه علما وخلقا ودرجة)، ويركز في خطأ هجائي بسيط (تقريبا ما لقيش غيره) لمجرد إختلافه مع كاتبه!!

بصراحة شفت كتييييييييير وقليل في حياتي من تفاهة وانحطاط (فكري - علمي - إنساني - إجتماعي) وفراغ وسوء خلق وموت ضمير وتخلف (تربوي) وقذارة؛ بس زي كده، ما شفتش بصراحة!! مش عارف إللي زي ده بيتكلم بإنها وش أو صفة؟؟ يمكن بصفة إدارية ك(مدير) مراجيح مولد النبي؟! ممكن.. أهه صفة معقولة برضه تعوض الفشل العلمي!! ولو إن فيه إداريين (محترمين) مجتهدين (يشار إليهم بالبنان) وعندهم ماجستير ودكتوراه برضه!! ولا يمكن "درجة علمية" مثلا؟! الناس مطلعة وعارفة وفاهمة.. وأي حد ممكن يروح المكتبة بس ويقارن ما بين رسالة الدكتوراه بتاعتهم ماركة "مشي حالك.. وخير وبركة" إللي واخدينها بالخناق والضغط والبلطجة والدراع وإللي اتهزأ واتمسخر في مناقشتها من قامات علمية كبيرة - ورسالة الماجستير" بتاعتي - (ومش هأقول الدكتوراه لأن مفيش وجه مقارنة أصلا - ولا فخر لإن الشروط والمعايير الإنجليزية موجودة بوضوح وشفافية أونلاين مش سر يعني - ومش شغل دكاكيني مثلا بتاع الجرايد الصفرا الحقيرة إياها إللي جايبة تصريح بكام يورو من قبرص) - إللي ما كانش فاهم أصلا موضوعها إيه ساعتها وفهم بعد سنين طوييييييلة.. الناس والله بتقرا وبتدور على Google.. فلو سكت الواحد منهم وخلاه في حاله، أحسنله لإنه بقى مكشوف (مفضوح) قوي قوي.. ومنظره بقى وحش قوي.. قوي.. آخره يصلح كلمتين بعد التدقيق النحوي والإملائي!!

أخلاق Ethics أو دين؟! أبدا.. الواحد من دول تلاقي التدين عنده (إلتزام) شكلي فقط لا علاقة له بالجوهر والمضمون.. وسمعته سابقاه في كل مكان ومفيش حد (عاقل) ممكن يحترم أي واحد (حقير) قذر سليط اللسان.. تاريخه (أسود) بيحاول يجمله بأي شكل - لدرجة إن أي حد يتعامل مع الواحد منهم حاليا، بيلاحظ علطول كم "اللسعان" والعقد والقرف والغرور والتفاهة وسوء الأخلاق وانعدام الضمير!!

نجاح "إجتماعي" مثلا؟؟ ممكن الواحد منهم يدعي إمتلاك قدرات إجتماعية (خارقة) وقدرة كبيرة على أسر وكسب قلوب الملايين..ويسخر من أي حد اختار العزلة (أو دايرته الإجتماعية محدودة - بحكم طبيعته - وممكن على فكرة يكون مستريح ومبسوط بكده ومركز أكتر في أي حاجة بيعملها)، ويقعد يتباهى باتساع نطاق علاقاته!! ما يعرفش (المسكين) إن معظم الناس بتكرهه (عمى) وإن الفطرة السليمة تلفظ الشواذ (المنحرفين) غير المستقرين (نفسيا وإجتماعيا) أمثاله..ولو كان في الواحد منهم خير، كان قدر يكسب أقرب الناس ليه.. مش يوم بعد يوم، عداواته ومشاحناته تزيد أكتر لغاية ما هييجي يوم عليه يبقى ماشي يتلفت حواليه!! وبعدين إللي زي ده، أي مكان يروح (أو يقعد) فيه، يكره الناس فيه.. فشل (إجتماعي) ورا فشل.. وفضايح ورا فضايح (تشيب لها الولدان)، والمصيبة إن الواحد منهم لو ما لقيش حاجة غلط في خصومه، يألف عنهم فضايح وقصص (من نسج خياله المريض - ولا تمت للواقع بصلة)!!

راقي (ابن ناس) واثق من نفسه؟! مبدئيا، الفقر مش عيب ولا حرام.. كل واحد فينا ممكن يمر بظروف صعبة (وأزمات).. بس ليه الواحد يدور في الدفاتر القديمة ويقعد يشتم ويردح ويعاير ويجرح في خلق الله وينشر عنهم إشاعات وأكاذيب؟! ده نقص (واضح) على فكره.. ولو حتى (افترضنا جدلا إن كلامه) صحيح مثلا، مفيش حد طبيعي (ابن ناس) أصله طيب يعمل شغل العيال الصغيرة ده؟! لو الواحد من دول واثق من نفسه (متربي على طبلية أبوه - زي ما بيقولوا)، عمره ما هينزل للمستوى المتدني (الحقير) ده!! ابن الناس (المتربي) إللي يعرف الأصول تلاقيه دايما متواضع (خلوق) بيقدر غيره.. ولو أخطأ في حق حد، بيبادر بمراجعة نفسه والإعتذار عن خطأه- وده ما يعيبوش على الإطلاق ولا يقلل من قدره (إذا كان سوي نفسيا وإجتماعيا لا يكابر ولا يعاني من تورم وتضخم الذات - وتورم في حاجات تانية برضه).. وبعدين ما الواحد فينا يقدر (بتليفون صغير) يدور ويعرف كل حاجة (وعندنا ناس متخصصة قوي في الحكاية دي ممكن تسافر لآخر الدنيا علشان تجيب أي معلومة).. بس ليه أعمل كده أصلا (وأنا عارف مليوووون حاجة تكسف وتعر ومشينة لصاحبها - لو طلعتها)؟! الأساس في الإسلام "الستر" لا "الفضح" فمن ستر مسلما ستره الله يوم القيامة (لو سترتهما بردائك، لكان خيرا لك).. ممكن ييجي الواحد من دول يجادل ( يتسفسط) ويقولك مثلا: "ده المسلم، لكن أنا مش معتبرك مسلم"!! لا يا حبيبي.. كده كتييييير بصراحة.. ده مش شغلك أصلا.. أنا بأنطق الشهادتين وبأدي كل الفروض إللي عليا - الحمد لله.. مش محتاج "صك غفران" (أو شهادة حسن سير وسلوك) من واحد زيك.. ومحدش يعرف مين أحسن من مين عند ربنا.. الدين بالذات ما حدش المفروض يزايد على حد فيه.. وعلى الأقل أنا الحمد لله مؤمن بحكمة ربنا في كل شيء.. مش واحد مغرور (متكبر) متمرد يعترض على نواميس الكون وسنة الله في خلقه ويقول عن حد عبارة زي: "فلان محسوب على البشرية أو البني آدمين غلط" (ده هو الكفر بعينه)!! .. لإنه اعتراض على حكمة ربنا (سبحانه وتعالى) وإرادته في خلقه!!!

عقلية "مرنة" (متفتحة)؟؟ أبدا.. الواحد من دول تلاقيه مقفل كده (ضيق الأفق) بيفسر كل حاجة بعقلية قديمة (قذرة) تنم عن خلل عقلي وسلوكي وسوء تنشئة.. ولا يفترض حسن النية أبدا.. القذارة َ(البذاءة) لو سابته، مش هتلاقي صدر حنين تاني!! يكفي نظرته الغريبة (الشاذة) المتطفلة (غير المريحة) وأسلوبه القذر المنحط (غير المتحضر).. كفاية ده والله!!!

#محمود_عبد_الله (هاشتاغ)       Dr_Mahmoud_Mohammad_Sayed_Abdallah#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل