همسة عتاب: حاجات صغيرة بس كانت هتفرق معايا!!

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

الحوار المتمدن-العدد: 7203 - 2022 / 3 / 27 - 21:25
المحور: الفلسفة ,علم النفس , وعلم الاجتماع
    

- كانت هتفرق كتير معايا لو اتصلت في أشد المحن وأحلك الأوقات.. ما كنتش عاوز منك حاجة أكتر من سؤال واهتمام وكلمة دعم (حاجة صغيرة قوي، بس الكبر منعك)!!
- كانت هتفرق معايا لو فعلا نشرت كلمتك الرقيقة المنصفة لي وإللي عبرت عن ندمك على إنك ما فهمتنيش صح.. وبالتالي، ما وظفتنيش في المكان المناسب إللي كنت هأخدم فيه بعنيا.. اكتفيت بس بقراءتها على مسامعي.. لكن لو نشرتها (زي ما نشرتلك ١٠٠ حاجة قبل كده انصافا ليك دون أن أخشى في الحق لومة لائم!!)، كنت هتكبر في عيني مليون سنة.. فمش عارف أفسر ده: هل هو كبر ولا سوء تقدير ولا تعالي ولا خوف ولا تردد؟!! في كل الحالات، لو عاملتني زي ما بأعاملك، كانت فرقت كتيييييير معايا!!
- لما جيتي مرة كنت محبط ومتضايق وقعدت تعمليلي شحن معنوي وطاقة إيجابية علشان نكمل شغلنا سوا.. قلتيلي ساعتها إنك جاية من منطلق "إنساني" بحت، بغض النظر عن أي شغل أو مصالح متعطلة.. صدقتك (أو مثلت إني مصدقك) ساعتها.. مع إني إحساسي كان دايما يقولي إنك بتاعت مصلحتك.. بس بعد ما المصلحة خلصت، واتعرضت لشدائد وأزمات، ما كلفتيش نفسك حتى تتصلي.. كانت هتفرق معايا قوي لو تعاملتي من منطلق إنساني متجرد من أي منفعة.. لكن كل واحد بيعمل بأصله!!
- كانت هتفرق معايا قوي لو زرتني - ولو مرة واحدة حتى - في مكتبي.. بالرغم من إني كنت دايما أروحلك - حتى لو إنت إللي عاوزني.. ولما واجهتك، ما رديتش أصلا.. هتقول إيه؟ هتقول إنك واحد متكبر غريب معقد عايش في زمن تاني غير زمانا.. ما يعرفش يكسب إللي قدامه، مهما قدم من تقدير وإحترام؟! ربنا يصلح حالنا وحالك..
- كانت هتفرق معايا لو حد من الكبار جاني ولو مرة في مكتبي أو حتى اتصل بيا لما كنت في محنة أو كان عندنا واجب.. هتكون النتيجة إيه يعني؟ هأشوف الواحد منهم قدامي أدور وشي الناحية التانية - ولا كأني شايفه.. لأن دي الطريقة الوحيدة إللي تصلح مع أمثاله.. في البلد دي، ناس كتيييير بتفهم الإحترام غلط.. يقولك ده ماسك مش عارف إيه وممكن يحطك في كذا وتكسب من وراه مش عارف إيه.. تتحرق المصلحة أو المنفعة إللي تيجي من وراهم.. كرامتي فوق كل إعتبار.. وبعدين هما الخسرانين مش أنا.. يعني لو كان على خسارة مادية (مليمين زيادة مثلا)، فمش هأذل نفسي علشان كام جنيه زيادة وربنا ساترها معايا وغانيني من فضله - ومش محتاج أصلا (الحمد لله).. مش هأذل نفسي في مناخ فاسد قائم على المعارف والعلاقات.. ومش هأغير من طبيعتي علشان أمسك مثلا مدير مراجيح مولد النبي، وأنا ما لييش أصلا في القصص دي والهري ده إللي مش جايب همه.. أنا اخترت طريقي من زمان ومستريح كده وتمام..
خالص تحياتي

#محمود_عبد_الله (هاشتاغ)       Dr_Mahmoud_Mohammad_Sayed_Abdallah#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل