زهور العتابي
الحوار المتمدن-العدد: 7123 - 2021 / 12 / 31 - 23:48
المحور:
الادب والفن
يل مشيتوا بلا وِصيّه ولا وداع ..
شلونكم ..شِنهي أخباركم؟؟
بعدكم مثل ماچنتوا حلوين !؟
لو غيّر الموت رسومكم !؟
هانت العِشره ونسيتوا؟ لو تشتاگون النَه
مثل ما أحنَه مشتاگيلكم !؟
وهم مثلنه گضيتوها بُواچي وقهر
وخلّص دمعها عيونكم !؟
مادريتوا الوكت بغيابكم خان !!
عالين چنّه وزودنا من زودكم
بَعَدكم ماشفنه راحة وفرح فد يوم
ودنيانه وحشة بدونكم
تظل طيوفكم ويّانه عالبال
ونجر حَسره وندم لو يُمر طاريكم
امشيّه ابو الحسنين والكاظم عليكم
دگّوا الباب خلونه مرّه نشوفكم
مرّوا ولو بالحلم يحباب ..مشتاگين
لحچاياتكم والحلوة ذيج عيونكم
#زهور_العتابي (هاشتاغ)
كيف تدعم-ين الحوار المتمدن واليسار والعلمانية
على الانترنت؟