قصيدة - عجيبة - على ضوء انتقاد فعاليات مهرجان بابل

حيدر حسين سويري

الحوار المتمدن-العدد: 7062 - 2021 / 10 / 30 - 18:34
المحور: الادب والفن
    

عجيبه عقول هاي الناس
وعجينه اكَلوبها الوادم
يمنعون الغنا بنمرود
ودكَـ وركَص بالكاظم!؟
ملاهي مترسه بغداد
خمور وكبسله وكاتم
جاكوزي وسياسي ومجلس النهاب
بيه مطوف وعائم
وسنتا كلوز يم حيدر (مرقد الامام علي بن ابي طالب)
يدكَـ ويركَص وحالم
بعد شهرين لكرسمس
واهل النجف لا نائم
ولدهم للصبح سكرين
وفعلهم محتوى صادم
وبكربلاء نفس الحال
ولا من عاذل ولائم
وهذا الحال راح يزيد
ردت فعل من ظالم
لان تحجون بالأديان
ولأن فاسدكم الحاكم
نفاق ودجل ماكو دين
بس صوره إله راسم
روح وشوف ذيج إيران
وبيها الحكم متوالم
حكمها إسلامي ع المكشوف
وشعبها اوربي ومسالم (عندما ذهبت الى أصفهان رأيت العجب العجاب وكأنها دولة اوربية)
فاترك هالشعب يختار
ولا تصبح عدو غاشم
وتنهى عن خلق واجيب مثله وزود
وانت اعلى الصدر جاثم
اغلب هالشعب يبجي ويون سنين
ويتمنى حكم قاسم (الزعيم عبد الكريم قاسم)
انشدك قاسم اليا دين؟
شيوعي وللأمر عازم
دبسكم يا غراب البين
عليكم هالشعب ناقم
يجيكم يوم تنطردون
وحكم هذا الشعب صارم
ينفذ فيكم الاحكام
والله العادل الراحم
وما هيه سوى أيام
ويظهر صاحب العالم
وهذا الامر صار احساب
الشعب متيقن وفاهم
........................................ 30/10/2021

#حيدر_حسين_سويري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل