ميسون نعيم الرومي
الحوار المتمدن-العدد: 6892 - 2021 / 5 / 8 - 23:19
المحور:
الادب والفن
الطهران شغله خزمچي – للشعب يوعد بس حچي
لاشفنه منـَّـه فد عمل – عَ الكرسي لازگ مرتچي
ايشكل لجان اوفرحان – مابيه خير اليرتجي
ينقل رسائل واخبار – للجاره صاير بوستچي
يتقاسم اوربعه الوطن – امكيف اوگاعد منتچي
تتكرر اوجوه الكالحه – سافل عميل اكلاوچي
صايع اوضايع بالدول – يحلم ابشغلة سفرچي
دجلتنه باعوه اوفرات – نشكيهم المن نرتجي؟
أهوار تصرخ تحتضر – وين الينقذچ يجي؟
ابكل عام ينعاد اوسنه – للحنطه حرگ الينبچي
نصه اله اونصه اله – احسن البيهم سختچي
لا علم عدهم لا فهم – يصلح الواحد (چشمچي)-
تهريب تزوير اونهب – اشتغلوا شغل ما ينحچي
ملايه خبازه قسم – صارن (هوانم) حچي
جوعان عريان الشعب – شابع لطم شابع بچي
--------------------------------------------------
ســـــــــــــــــتوكهولم
8 / آيار / 2021
#ميسون_نعيم_الرومي (هاشتاغ)
كيف تدعم-ين الحوار المتمدن واليسار والعلمانية
على الانترنت؟