عـيــد الحــب

ميسون نعيم الرومي

الحوار المتمدن-العدد: 6813 - 2021 / 2 / 13 - 23:51
المحور: الادب والفن
    

صـَـبـَّح علينه اليوم والوردَه بيده
حب اوأمل وافراح عيشـه سـعيده
***
اهلا (يفالنتاين) جيت اوتشارك
أحمر ورد عَ الناس إنثـِر وبارك
***
الحب ورد واشموع والگلب نـَوَّر
تتصافه كلهه الناس أبيض وأسمر
***
الحب گلب مرتاح خالي امن الاحقاد
اهلا (يفالنتاين) كل ســنه اويـنعـاد
***
گـلب اليحب فرحان والدنيه حـِلـْـوَه
يوسع الكلهه الناس والجـَمـْعـَه سـَـلوَه
***
الحب تره مفضوح تحچـيه اللعيـون
گـَـلبه چـبـيـر اهواي اكبر من الكون
***
الحب سـمو للروح وايصـَـفـّي لگلوب
-(دبدوب) او ورد واعطور مني يمحبوب
***
اهلا وسـهلا بيك يالچـِـنت غايـب
غـَـنـَّـت طيور الحب والگلب ذايب
***
اكـتـِب ابهـذا اليـوم لحبابـي اعايـد
صحه اوسلامه اوحب الكم او رايد
***
الحب گمر وانجوم ! اشعاع اوشمس بيه
والبلد اليزوره الحب ! تـزهي أراضيه
***
أتمنه كون ابيوم تـتصافه لگـلوب
تتراضه كلهه الناس احبيب اومحبوب
***
كون الشعب يرتاح يتصالح الناس
ايعم الفرح والخير والوطن ع الراس
***
ادخيلك (يفالنتاين) مرّ ابـوطنه
فرّگ ورد واشموع واعجن الحـِـنـَّـه
--------------------------------------------
14 / شباط / 2021
ســـــــــــــــتوكهولم

#ميسون_نعيم_الرومي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل