احنه المگاريد

ميسون نعيم الرومي

الحوار المتمدن-العدد: 6755 - 2020 / 12 / 8 - 15:44
المحور: الادب والفن
    

إحنه الغـَرَّبنـَه الوكت احنه الما النه أحد
الما إلنه أحد إحنه المگاريد
لا جمعه عدنه..لا سبت..
لا عدنه أحـَّـد
بينه الدمع يتمرجح اعله الخد..
والعين تربي والمزار ابعيد
احنه المحد تـِنانـَـه..والدرب صارابعيد
احنه المگاريد
***
إحنه المساكين الماعدنه تدبير
(إسمنه بالحصاد اومنجلنه مكسور)
(كـِلـَت حنطتـْنـَه الشعـيـر)
والگاع صارت بور
تعلمنه ع الصبر نحمل مذله او جور
نترس انبدي بالحزن ليوين يا ناعور؟
سَـكـَّـتـْنـَه الظلم مابينه بعد انعيد
إحنه المگاريد
***
إحنه الخـِطـيـّه (الصِفـَگـْنـَه الگاع بالإيد)
مامش سهمنه..اوما بعد كلشي ايفيد
نحبس بالونين..
اوما عيـّدنـَه يوم ابعيد
واشما هانت نگول..
ازود او أزود تـِزود اتزيد
إحنه الخطيه الما بعد كلشي انريد
إحنه المگاريد
***
إحنه النسونه اوصرنه منسيين
اعله الراگ نمشي..ابسـِـد الحياطين
انبگـْـنـَه غفل ! علتنه لأن طيبين!
احنه التعبنه..إحنه المظاليم
إحنه الطـَـلـَّعنه إدينه امن الروازين
إحنه الخطيه الصرنه عناوين
إحنه التـِـزامنـَّه اويـَه (كوفيد)
إحنه اللي عاشرنه (عرابـيـد)
إحنه المگاريد.. إحنه المگاريد
---------------------------------------
8 / ديسمبر/2020
ســـــــــــــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل