انــت مـِـنـو

ميسون نعيم الرومي

الحوار المتمدن-العدد: 6713 - 2020 / 10 / 24 - 14:49
المحور: الادب والفن
    

آنـَه العـراق آنـه العـِـلم
آنه الحضاره آنه القـَـلـَم
آنـَه اللي نادَه بالسـِــلـِم
آنـَه المـَجـِد بيـن الُامـم
آنـَه الشـباب آنه القـِمـَم
انـت مـنو .. انـت مـنـو
***
آنـَه النـَـفـط آنـَه النـَخـَـل
دجله اوفـرات آنـَه الأزل
قـانـون آنـَـه والعـَــدل
آنـَه الوسـَـط بيـن الدول
آنـَه الأمـَـل آنـَه العـَمـَـل
انـت مـنو .. انـت مـنـو
***
آنـَه العـراقي المنتفـض
أفدي الوطن أحمي الأرض
حـُـب البـَـلد ويـَّه النـَـبض
آنـَـه العراقي اللي نهـَـض
اهلي الشعب أحمي العرض
انـت مـنو .. انـت مـنـو
***
آنـَـه الشـَهيد آنـَه المجد
آنـَـه اللي حر اومو عبد
آنـَـه اللي ثابـت ما أرد
آنـَـه اللي دمي ما بـرد
آنـَـه اللي خالد للأبـَـد
انـت مـنو .. انـت مـنـو
***
آنـَـه اللي حـَـقي أنتزع
بالحق عـَـنـيـد اوما أكـَع
بس العـَـلم بيدي انـرُفـَع
آنـَـه السـبع إبـن السـبع
آنه اللي أصفه امن النبع
انـت مـنو .. انـت مـنـو
***
ضد الظلم آنـَـه ثـِرت
حقي أريده اوما خفت
للوطن أنـقـِـذ قـَـرَّرِت
آنـَـه العراق آنه الگلت
تغيير من الجذر انه ردت
انـت مـنو .. انـت مـنـو
***
آنه اهلي سومر.. بابل أكد
جدي (الحسين) اللي صمد
بالذلـَّه ما نـِـقـْـبـَـل أبـَـد
عـَـلمنه جـدنا .. ما نـِـرِد
آنـَـه الشعـَـب وابن البلد
انـت مـنو .. انـت مـنـو
***
آنـَـه اللي تاريـخه كـِـتـَـب
قافـل قـَـضيـتـَه اوما تـِعـَب
ايرجع العراق اللي انسلب
-(يسجن) القاتـِـل والنهـَـب
آنـَـه الشعب وابن الشعـب
انـت مـنو .. انـت مـنـو
***
المـرأه آنـَـه .. ام الوطـَـن
آنـَـه اوگفت ضد المحن
أســنـِـد إخـوتي والإبـن
دمّي اويه دمهـم منعجـِـن
تاريـخ اشـهـَـد.. يا زمن
انـت مـنو .. انـت مـنـو
***
أم آنـَـه زوجه اوأخـت
إيـد بـيـد اوياكـم ثـِـرت
ابـدم (ابني) آنـَـه احلفت
اطلـَع واكـَمـّـل ما ردت
ما ارجع ابد يبني صحت
انـت مـنـو .. انـت مـنـو
------------------------------------
هديتي الى ثوار تشرين الأبطال
مستوحاة من اهازيجهم المعبرة
بمناسبة مرور سنة على ثورة اكتوبر المجيدة
ثورة حتى النصر لتحرير وطننا من براثن الطغمة الفاسدة
------------------------------------------
24/تشرين الثني/2020
ســـــــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات