تشــــــــــرين..يا تشــــــــرين

ميسون نعيم الرومي

الحوار المتمدن-العدد: 6720 - 2020 / 10 / 31 - 23:50
المحور: الادب والفن
    

تشرين الشباب المنتفض
تشرين..عزه اوكرامه اوفخر
تشرين..العراق الي كـُبـَر
تشرين..ثوره اوأمل
تشرين يعني الأرض..
يعني العرض
تشرين تسري اويه النبض
تشرين..يعني العراق المنتفض
***
تشرين..شمس اوضوه اوگمرَه
تشرين..فـِكراوعقيده اوعـِبـّرَه
تشرين..مستقبل للشبيبه الحرَّه
تشرين..نخل العراق..اويه النجم يتعـَلـَّه
تشرين..كحله للرمش..او بيها الجفن يتحـَـلـَّه
تشرين يعني العراق المنتصر
يعني گصيبة شرف..
للشگره والسمره
***
تشرين..دم الشباب الوَرَّد اوأزهـَـر
تشرين..شيله امبـَخـّره بالسعد والمحلب
تشرين..رمز اوعقيده اوفخر
تشرين..شريان او وريد الكل گلب..واگرب
تشرين..مهره امضمرّه..اوهيبه للملعب
تشرين..حنة عرس بچفوف ما تتعب
تشرين..غـِترَه اوسداره..اعگال المگصب
تشرين..بس للعراق اتلوگ تتحبب
***
تشرين..ابكل شارع ابكل بيت تتجدد
تشرين..المجد..تاريخ وايخـَـلـِّد
تشرين..دجله اوفرات الماي وي ايعـَمـّد
تشرين..نهضه اوعلم..ما تركع اولا تگعد
تشرين..تطرد كل دخيل او ظالم او مجرم..
لبدم الشعب يتوضه..او بالچذب يتعبد
تشرين..شعله للزمن..ما تبرد
تشرين..نشيد اوللوطن بي ننشد
تشرين..من حقهه تفتخر تتخلد
---------------------------------------
1 / نوفمبر/ 2020
ســــــــــــــــــــتوكهولم

#ميسون_نعيم_الرومي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل