قالوا وقلنا

ميلاد ثابت إسكندر
(Melad Thabet Eskander)

الحوار المتمدن-العدد: 6633 - 2020 / 8 / 1 - 01:41
المحور: الادب والفن
    

قالــوا في الأمثال زمان: قَـد ما معاك هتساويه
والقرش الأبيض كمان، طيب لجرحك هيداويه
حـضـن يـديـك الأمـان، يحفظك جوَّا ، في عنيه

الفلوس يعـنـي الدفـــا ،، لا تقولي بطاطين وإلحفــا
ولا عَدس يدفي وبالشفا ، دا كـلام ما يأكلـش عيش
مش معاك ، ما تساويش ، بروزها لعـقـلـك أفـيـش
وانسي أي كلام سمعته،، انسي شعارات الدراويش

مالها لا مؤاخـذة الأغانـي ؟! آه لـو لـعـبـت يا زهر
ما أنت سنين عايـش تعاني ، والحظ بعيد ألف دهر
مجني عليك والفقر جاني ، فوق يا فقري كفاية قهر

لم جـمَّـع مـال كـتـيـر ، ريـحــة الفـلـوس دي خـيـر
خلي الناس عليك تشاور ،، ويقـولوا ده هـو الكـبـير
أيوه اكنز يعي كووِش ، في المخازن شيل وحووِش
ولا يقدر مخلوق يهووِش ، أنت أقوي بمالك خطير

أنت مش إنسان فقير،، يعني مش مزلول حقير
بفلـوسـك قـيـمـة ومقـام ،، أنت باشــا أو أمـيـر

عـرفـت ليه قالـوا زمان: قـد ما معـاك هتساويـه؟
والقرش الأبيض يا مان،، طيب لجرحك هيداويه
حـضـن يـديـك الأمــان ،، يحفظك جوَّا ، في عنيه

*** قولنا ***
لحظة واحدة يا عَم فرمل،، أنت ما بتقولش الحقيقة
مش ممكن أسيبك تكمل،، امشي أو شوفلك طريقة
إللي قولته كـلام يـضلـل، وكـمان بيوَّقَع في ضيقة

أنت بتغلف سـمـومَـك ،، جوَّه سولوفان لونه يضوي
مش عايز السامع يلومَـك ،، أنت ديب عـمَّال بتعوي
وإللي هَيعوم ويا عومَك، في الهاوية هيسقط ويهوي

المال طبعــاً مش رذيلـة ،، وما حـدش قال أنه مُر
دا عطية ووزنة ووسيلة ،، لو نعمل بيه خيـر وبر
والآية واضحة وجميـلة ،، دي محبته هي إللي شَر

يعني ما يكونشي هدفنا ، ولا واخد كل إهتمامنا
دي الأبدية هي غايتنا ،، فيها هنـشـوف المسيح
يعني سلامنا الحقيقي ، والحضن الدافي المُريح
وأبويا وأمي وصديقي ، هو سر حياتنا بصحيح
******************

#ميلاد_ثابت_إسكندر (هاشتاغ)       Melad_Thabet_Eskander#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل