حالات شعرية خاصة جدا

اشرف عتريس

الحوار المتمدن-العدد: 6560 - 2020 / 5 / 10 - 05:43
المحور: الادب والفن
    

1- يعلم الله الواحد على قد ماعاش
بيقضي العمر يفك الخط
ويقرا الوشم بعينه زى الغجر
حتى العمر يرجع يستخبي جواه
بعد مايسرح بين الخلق يلتقيه بينادي
يابوقلب طيب جداً من دون البني آدمين
صدقنى من غير ما أحلف لك يمين
أن غويط البحر بلاط . .
لو خطيت برجلك..هاتعديه
إكمنى قلبك شارع لم يمانع تسكنه كل البنات
شرط الواحدة فيهم يكون للشوق جواها مطرح
الخجل يبات فيه آخر الليل
من غير عقلك مايودي ويجيب
وتقلبها فى دماغك بحسبة تاني
الليل مايقدر يسرق بواقى الضى
مدام الروح لسه بتعافر .. مش راضيه تسيب الوطن التانى
حقيقه ماينكرهاش غير واحد غيرى
عينيه كارهاني . .
واحد غيري . .
جوانى

2- بدويه ..
فرجينى الكحل ..
قلبى يبات ف ريحك يلعن خجل البنات ..
نارك .. بتفرد جسمى وتنصب عودى ..
فيطق فيا الشوق ينسحب من ضهرى ..
يلمس رقيق اللحم يتشفى يشرب ريقك ويستطعم ..
حلال يا لحظة العشق والبوح والروح ..
يحرم علينا الفراق ..
يا طلقة رغبتى حد الموت يازعقة جناب البت ..
احنا فى رحاب الملكوت بتلفنا مداين من وجع وعويل ..
فما تنكريش حضور الجسد ..
حين ما يحل التعب ونحس بالزهق من بعض ....
بدويه ..
عرفينى الكعب داير ..
ولا دايب من همس الهجالات عند طرف الجبل ..
والخلا يشهد روايح خيمة العشاق وتنهيد الصبايا ..
يا ليلة قمريه ..
تفرش بساط الغزل وتشد من تحتينا النغم الخشن ..
تغرز ايدينا ف لحم واخد مننا الوهج وحر الصهد ..
احنا فى الجب الجوين .. يعنى فى اخر درك ..
احنا بنتحرق .. نار ولهب ..
بدوية ..
شافت شهقتى حست بالندى ..
ولسه خايفه لتطفى م البلل والعفوية ..
بدويه ..
بدا .. ليا بان الكحل حزن قديا ..
بدويه .. بدوية

3- يماى البحر بيرجع يحن ع الغرقانين
بعد ا يحدف جواه أسرار
ياااالله
مشيت السكة بضهرى ايام خضار العمر
معادي النديد ومقاطع بقيت الناس

العين مفتوحه بوسع السما والنفس يدارى الخلق
علي فين هانروح يمايه لما شمسك تبتدي تغيب
ولا الزمن لما يبطل يخيب . .
أحزانه بيفرقهم حبة فتافيت
حبه م القهر اللى محدش غيرنا يعرفه
لايام اللى كانت قاسيه بجدl على حبة حزن م
لا بينسى بواقى الحلم المحروق
ولا طعم الدنيا فى عين اللى شا يفها
. احلام وقلوب وحبة حواديت
بجد وجد ..
صحيح..الفرح له طبل يندق وناس تعجن الحنة
وأكم من ناس ..
تتقوت بالحلال وتخاف من ربنا وتحبه
مهمن كان الدم شايط والقلب خزيان
ترمح عليه بالعشم عشان بتحبه
ولا غيرك ..ينشغل بغيابى يمّاية
ويرتّب روحى يرشها بالنور اللى طالع
يتسحب قبل طلوع النهار
ده اللى مخلينى ..
أسبق موتى واهزمه قدام الناس أجمعين
واشم ريحة الفل مفوّحه فساتين البنات
اللى نايمه تدهن فروة حلمها بالزيت والحليب
فيطيب مطرح الكرمشة
وارجع مهما كان..
دمى شايط وقلبى خزيان ..
أرجع عليه بالعشم عشان بحبه ..
وانتى كمان بتحبيه ..
يماى ..زى البحر ..
البحر زى مايحدف جواه أسرار
بيرجع يحن ع الغرقانين
الله يماى زى البحر ..
كل مايحدفنا جوه النار .
يخلق جنة للموعودين
–الله يماى ع البحر ..

#اشرف_عتريس (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل