إزاي نحمي نفسنا من الكورونا وببلاش ؟ وبطريقة علمية

أيمن غالي

الحوار المتمدن-العدد: 6482 - 2020 / 2 / 4 - 15:56
المحور: ملف: وباء - فيروس كورونا (كوفيد-19) الاسباب والنتائج، الأبعاد والتداعيات المجتمعية في كافة المجالات
    

في نهاية يوليو 2011 كنت في زيارة لندن للسياحة، وقلت أحاول أعمل بيزنس ..
وقبل ما أسافر؛ عملت سيرش عن الشركات إللي بتشتغل في مجالي ومنها شركة كانت بتشتغل في مجال المطهرات Infection Control، وكان عندهم جهاز مُبتكر ومعجزة علمية ..
الناس دي رصدت عملية حيوية طبيعية لمكافحة ومقاومة الفيروسات والبكتريا بجميع أنواعها وأشكالها وحتي المتحوصل منها ..

الفكرة
غاز الأوزون بيتكون بصورة طبيعية في محيطنا إللي بتتواجد فيه آشعة الشمس، ولأنه غاز ومركب غير ثابت؛ بيتكسر لحظياً وبينتج عنه غاز أكسجين وذرة أكسجين نشط (Oxygen Free radical)، الذرة دي بتعمل شغل كويس جدا في قتل الميكروبات .. ومن الفكرة دي؛ بدأت مدارس تستعمل غاز الأوزون في التطهير والكلام ده من نهاية التسعينيات من القرن الماضي، وكده عرفنا إن التأثير مش من غاز الأوزون لكن من الذرات النشطة للأكسجين إللي بتتكون من تكسير جزيئات الأوزون ..

الإكتشاف الجديد والإبتكار
ذرات الأكسجين النشطة Free radicals؛ لو كان جنبها زهور أو نباتات عطرية (ودي من صفاتها إنها بتحتوي علي مركبات كيميائية إسمها تربينويدات Terpenoids)، وبتتفاعل معاها وبتنتج جزئ نشط إسمه Hydroxyl Free radical (OH)، وده بقي قاهر أي فيروس أو ميكروب ممكن تتخيلوه، وبيشتغل عن طريق إنه بيكلبش في جدار خلية الميكروب وبيسحب منه ذرة هيدروجين، وبالتالي جدار الخلية بيتكسر والفيروس أو الميكروب بيموت ..

طيب نعمل إيه علشان نستفيد من الميكانيكية دي ؟
المفروض نزرع بلكوناتنا وشبابيكنا بزهور ونباتات عطرية، وبالتالي الهوا إللي حا يدخل البيت حا يكون معقم ولو واحد عنده ميكروب مُعدي؛ حا تموت ميكروباته بمجرد تعرضها للجزيئات النشطة دي ..

المشكلة
طيب وإللي ما عندهوش زهور أو مكان لزراعة الزهور وإللي لسه حا يزرع والموضوع حا ياخد شهور ؟
الزيوت العطرية (تربينويدات) إللي قلت عليها موجودة في شخروميت حاجة تانية ومالهاش تمن وممكن نستعملها وهي قشر البرتقان والسفندي ..
طيب نستعملهم إزاي ؟
نحط القشر علي حافة الشباك وفي البلكونات والشمس طالعة، وكل يوم نغيرها لإنها أكيد حا تنشف؛ يعني ضروري تكون قشور طرية ..
ولو جاي لك ضيف وخايف يكون حامل لعدوي؛ أقعد بيه في مكان مُشمس أو قريب من ضوء الشمس ويكون قريب منك زهور أو قشر برتقان وسفندي

والأهم في الموضوع هو دخول الشمس في البيت لتخليق الأكسچين النشط أو الهيدروكسيل النشط لو موجود قشور برتقان وسفندي او نباتات عطرية وهي اكبر مقاوم للميكروبات

حا أختصر لكم الموضوع في معادلات مُبّسطة
ضوء شمس + أكسچين الجو ----> أوزون
أوزون ----> أكسچين + أكسچين نشط
أكسچين نشط + زيوت عطرية ----> هيدروكسيل نشط
والهيدروكسيل النشط ده يفشفش أجدع فيروسات ولا الكورونا يقدر يقف قدامه

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل