تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

سافو ورغاوي طشت الغسيل

أيمن غالي

الحوار المتمدن-العدد: 6443 - 2019 / 12 / 21 - 18:59
المحور: كتابات ساخرة

لو سألت حد عن ساڤو في مصر حا يقول لك ده مسحوق غسيل كان بيخلي الغسيل فُلة وكانت رغوته كذا كذا والغسالة كانت بترقص لمّا كنا بنحط علي الغسيل ساڤو ..

لكن ساڤو Σαπφώ ده كان إسم شاعرة يونانية شِدِيدة وتِقِيلة في شوغلانة الشعر؛ يعني كانت أحمد شوقي اليونان في زمانها (توفيت سنة 570 ق. م) ..
بس ساڤو كان عندها مشكلة جابتها ورا ..
ساڤو قالوا إنه كان عندها شذوذ جنسي بسبب كلالكيع إتعرضت لها في حياتها وكانت كل أشعارها في السكة دي .. والناس كانت مُوستوكويوفة من أشعارها ..
وفي القرن الحداشر (1037م)؛ الكنيسة في روما وقفت لأشعار ساڤو وقفة جابتها الأرض، وقالوا لزمن وحتمن وولا بود ساڤو ما يبقالهاش وجود لا هي ولا أشعارها ولزمن تتحرق .. وجمعوا أشعار ساڤو وحرقوها وأصبحت ساڤو مجرد ذكري ..

فيه ناس زي حالاتي صِعِب عليهم تراث إنساني مهم زي تراث ساڤو يروح في الوبا، وقالوا مش مهم إللي إتحرق ويكفينا إللي محفوظ في الصدور، وقالوا إحنا نمشي بطريقة العرب إللي كان الواحد منهم حافظ شخروميت قصيدة والقصيدة بشخروميت بيت .. ومشيوا بين الناس في شوارع أثينا بمايك وجهاز تسجيل ..
قول يا حاج أي حاجة من أشعار ساڤو .. ما فيش
قولي يا حاجة أي حاجة من أشعار ساڤو .. ما تلاقيش
قول يابني أي حاجة من أشعار ساڤو .. ما عنديش
يحرقكوا بجاز زي ما إتحرقت أشعار ساڤو .. ما فيش بيت واحد من أشعار ساڤو شَبَّك في الصدور ؟! إيه الصدور الخربانة دي ؟! ..
المهم؛ ماتت ساڤو ومعاها أشعارها إللي عاشت أكتر من خمستاشر قرن ..
لكن الزمن كان ليه رأي تاني وصعايدة مصر كان لهم وقفة رجاله مع ساڤو وقالوا لا ممكن ساڤو تموت ..
عملوا إيه صعايدة مصر ؟
في نهاية القرن التسعتاشر (189م)؛ تم إكتشاف تابوت مصنوع من أوراق بردي معاد إستخدامها (بمحافظة الفيوم بشمال صعيد مصر) .. فككوا الأوراق ولقوا عليها كَتُوبَة .. فكوا الكاتوبات فلاقوها مئات الأبيات من أشعار لساڤو .. وبُعثت ساڤو من جديد والفضل لرجالة الصعيد وصعايدة مصر الرجالة ..
وحبيبتكم مين ؟ .. ساڤو
وحطينا إسم ساڤو علي مسحوق غسيل وبقي إسمها علي لسان كل كروانة وطشت غسيل في مصر ..

المهم إن قصة ساڤو تثبت لنا إن كلام العرب وحكاويهم مجرد رغاوي في طشت غسيل

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل