جحا العراقي عميدا لرئاسة الجامعة المستنصرية

جحا العراقي

الحوار المتمدن-العدد: 1559 - 2006 / 5 / 23 - 09:46
المحور: كتابات ساخرة
    

يابه شلون وياك جحا شلون صرت استاذ بس اريد اعرف وفوكها عميد لجامعة عراقية معروفة صدك ورطة وياك وبما انه انت مو وطني وقمت تتلوك للايرانيين فانا لازم اتكلم عليك حتى لايقال عنك انك تمثلنا او تمثل راي طائفة ياحضرة الاستاذ المطي جحا .

جحا العراقي استلم منصب معاون بعير اهوووو اعتذر يابه معاون عميد بعد السقوط قبل ان يصبح عميد ودعونا نتكلم عن الاحداث الحقيقية الي سواءها جحا والتي لايصدقها العقل ولا المنطق لانها تصدر من شخصية يقال عنها جامعية وهي المطي والحمار افهم منها . ( طبعا الحمار هسه يزعل مني لان شبهته بجحا ) .

دعونا نتكلم بعد السقوط عندما بدا جحا يقابل الطلاب لغرض قبولهم في اقسام علمية وانسانية داخل الجامعة طبعا السوال الاول الذي كان يساله انت مسلم لو من غير دين ..... ( زين شعليه الدين بالقبول مال الكلية انا مداصور ليش هذا السوال ) .

زين واذا كان الطالب شيوعي يمكن ماينقبل اصلا باي صف !!!!!!!

والسوال الثاني ( بالنص وبدون زيادة او نقصان ) من من الصحابة الذين تخلفوا عن جيش اسامة ابن زيد حتى يعرف الاخ الطلاب من اي طائفة ومن ثم يقرر الاقسام التي يجب ان يدخلوها حتى لو كانت معدلاتهم عالية .

انا عندما اكتب هنا عن الطائفية ليس لانه من ابناء ملتي ولكنه لانه متاثر بالتيار الايراني وليس التيار الوطني وهذا مايخجلني في هذا العميد الذي والله اخجل ان اقول انه يمثل ابناء محافظاتنا الجنوبية واخجل ان انطق اسمه امام الجميع لانه مطي وايراني اكثر من الايرانيين انفسهم .

طبعا الاخ جان كلش ديني بشكل مو طبيعي وكان قبل السقوط ابو نسوان ودك رشاوي باعتراف طلابه الي عاشروه بمرحلة الحصار وهسه راد يكفر عن ذنوبه ويصبح متدين وبدا بنشر الدين في هذه الجامعة عن طريق ادخال الصور للسفيه الاول والثاني انا شجاي الوص يابه اعتذر ليكصون لساني .... الفقيه ...هانوبا يشور علينا الفقيه ويسوينا ورطة( يشور من المشاورات الجارية بالحكومة الهندية ) .... وقام باستضافة معرض الكتب الايرانية ودك مناسبات دينية اربع وعشرين ساعة ودك ندوات عن الاسلام السياسي والاسلام العباسي والاموي والعلوي والعثماني والصفوي والتسميات كلش هوايه لاتسع تسعين مجلد لذكرها هسه ماكو غير هاي الموضوعات خلصت الدنيا من الموضوعات يابه دحجي شويه عن الاقتصاد وصافي القيمة المضافة والاشتراكية والا هاي متصرف حضرة المطي جحا .

طبعا الجامعة صارت تسمى بالنسبة لطلابها مسجد مو جامعة طبعا والاستعلامات بيها جلاوزة لايختلفون عن جلاوزة النظام الصدامي كلها فتوات شرعية واقامة حد شرعي على الطلاب وخاصة ان عدد العمامات بالجامعة اكثر من عدد الاساتذة وكلها من وراء المطي ابن المطي جحا العميد بس شحجي عليك ياجحا خليني اكمل لان انا ماردت اذكر ملفك بس والله ( بطيته الجبدي ) .

طبعا جحا استلم جماعة الاحزاب الدينية ودك مساندة واكثر الاخوان الذين ينتمون لحزب التطوه والتيار الصدري قام جحا يتوسط لهم لدى الاساتذة لكي ينجحوا وهم اصلا لم يحضروا ليوم واحد او يمتحنوا في الكلية امتحان واحد والي مايصدقني خلي يسال الطلاب والاساتذة وانا مستعدة انطي اسماء طلاب تخرجوا قبل سنة والكلية ماشايفتهم بس اول سنتين وبوسطة جحا العميد الطنطا ( طنطا مو اسكندرية اخوان ) .

جحا العميد مصخها بالكلية ازيد من اللازم وسمح للاحزاب الدينية بان تقوم بتخزين السلاح بداخل الكلية اكثر من مرة وقد حذروه الامريكان مرتين من هذا العمل وهو ولا عبالك داير بال . ( لان داير بانزين احسن )

جحا العميد وصلت عدد الشكاوى بالوزارة عليه اكثر من تعداد الشعب العراقي وطبعا هو ولا مهتم لانه مسنود من قبل العفطية . واضطر وزير التعليم العالي ان يقوم بتنحيته عن منصبه وهو مسافر بايفاد ( لانه يخاف ينحيه وهو موجود بالعراق لان الميليشيات ساندته ) ومن رجع جحا العميد قام بتحريك هذه الميليشيات وهددوا العميد الجديد ( بشكل سري ) بقتله اذا لم يرجع جحا لمنصبه وكذلك هددوا وزير التعليم وفعلا رجع جحا عميدا للكلية لك شلون جاي يمشي البلد متاكدر افتهم شلون ( وهذه مو اشاعة اخوان وبنفسي اتاكدت من الامر والي يجذبني خلي يسال طلاب الكلية احسن ) .

جحا قوض صلاحية الاساتذة العلمانين الذين يرفضون اسلوبه ورجعنا لنفس فلم صدام مااختلف عنه شي لعد شسوينا احنا ( يعني الجيفة نفس الجيفة بس الماعون تغير ) .

جحا اكثر عميد مستلم ايفادات الجامعة لانه اصلا ما مسافر بحياته ومشايف وتعرفون حافي وصار متعافي شيصير بيه غير يكلبها الجامعة كلاب ...

تذكر جحا بايام ماكنت استاذ وبعدك منصبك صغير كم مرة ساومت بنات على شرفهم حتى تنجحهم او يرسبون تذكر جحا خلي اكمل مو صدك صارت ماصخة وياك كلش .

جحا العميد ادخل زواج ( المتعة + العرفي ) للجامعة واصبح معدل الزواج بشكل عالي من خلال ابو عمامة من التيار الكهربائي يعقد على الطلاب او على الاستاذ والطالبة وبدون علم اهلها وكلها بشكل رسمي وسري وانا اسماء العصابة مال دعارة كلها يمي ( وخاصة الباي الجبير مالتهم ابو عمامة ) وانعزمت على الزواج بالجامعة قبل فترة بحكم علاقاتي بس تعرفون اخوان احنا مبادئنا ترفض هيج شي .. طبعا جحا متزوج مرتين خلال هذه الفترة من هذا الزواج وانا لو ماخايف على حياة الطالبات من اهلهم اذا عرفوا لجان انطيت اسماء ئهم بس احنا مو هدفنا الفضيحة بقدر ماهدفنا ان نلحق على هذه الجامعة قبل ان تنزلق في مستنقع الرذيلة بطرق دينية .

بعدك تحجي على الشيوعين جحا بسيطة لك والله احنا نستحي نسوي 1% من الي انت تسويه وصدك نسيت اقلك دزولك هدية الرفاق قرون اصلية مصنعة من الفقيه الاول راح تندزلك هدية لزواجك الثالث المرتقب مو زواج رسمي اخوان افتهمتوا .

لك انت ليش جماعتك يامرون الطالبات بالحجاب القصري والزي الموحد يعني هي مو حرية لو انت ماتومن بس بالعرفي والمتعة هي هاي الحرية عندك .

انا ماراح احجي على اللغف لاني ان دخلت بموضوع اللغف و ميزانية الدراسات المسائية والصباحية وتجهيز الجامعة بالمواد وبالايفادات والصرف والنثرية والمنح المقدمة للجامعة راح يطلع كل خياسك وبعدين راح تضطر تسوي تحقيق عن منهو سرب المعلومات ويتاذون موظفي الجامعة ( بس امانة انت قنوع بوكك بالعراقي مو بالدولار حتى نكون صريحين وسلملي على قسم الحسابات بالجامعة الي كل خياسك يمه ) .



جحا استمر على نضالك لان انا متاكد راح تصير وزير بعد فترة وقرار تعينك موقع من قبل اكبر بعير باسطبل الحكومة العفطية .



حكمة الحلقة ( كل استاذ مشايف ويتلوك من السهولة ان يصبح بمنصب عميد جامعة بعد ان يقبل حذاء العمامة )

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل