دكتور جحا العراقي رئيس الوزراء السابق

جحا العراقي

الحوار المتمدن-العدد: 1469 - 2006 / 2 / 22 - 09:48
المحور: كتابات ساخرة
    

بوي جحا شلون وياك مانعرف انسميك رجل الرحلة لو رجل المرحلة (رحلة مال طلاب ) بس عادي بقت عليك بالعافية عليك جحا وعلى نضالك المستمر ضد الطاغية صدام انت مو جنت بتنظيمات الطلبة وجنت مسوول فترة بالخارج عن الاغتيالات تذكر رفيق جحا لو اذكرك لك انت جنت بعثي للعظم وماكفاك جيتك على القطار الامريكي وكمت بعدها وجيت على الدبابة شلون طركاعة وياك جحا تاريخ نضالك كل يمي انت صحيح دكتور بس محترف ومسوول عن الاغتيالات للمعارضيين بالخارج بالمرحلة السابقة عمي والله بالعافية من جيت تفلت رادوا يقتلوك جم مرة تذكر جحا .
محطة مالتك بالاردن المعارضة تذكر التلفون الي اجاءها من القائد الفلتة ابو هدلة وحذر المذيع من ان يدوس بالحجي زايد اتوقع هذا الحجي 98 -99 هيج شي حسب مااذكر وقال المذيع وهو يرجف لصدام حاضر سيدي تامرني سيدي تذكر لو اريد اذكرك عمي عفا الله عما سلف ( سلف معناها سلفة على الحساب )
يابا والله جحا انت وردة لك اول مااستلمت رئاسة الوزراء لسانك طلع هو صحيح لسان زفر بشكل كبير بس يستاهلون الجماعة الي جان لسانك زفر وياهم لان هما قذرين اكثر من زفارة لسانك الكل تتطافر من يمك جم مرة رزلت رئيس الوزراء الحالي شطركعت عليهم ولميت كل الوثائق الي تدينهم وماطلعتها على الشعب ليش يارجل المرحلة غير تكشف مخططاتهم لو انت هم منمق حجيك وليش تريد تنطي كركوك للمليشيات الحزبية الكردية لك كركوك ارض عراقية وتبقى عراقية وغصبا على الي يعجبه او مايعجبه والله اسمعني زين ياجحا ترى انا اعرف انت رجل شرس واعرف شلون انقذت نفسك من خمس محاولات اغتيال كانت تستهدفك ليس من جماعة الزرقاوي او الضرطاوي ولكن من مليشيات دينية مسلحة حاولت اكثر من مرة من قتلك جحا حبيبي على كيفك ترى انت تريد تحكم مثل صدام وترجعنا حزب الذبان مرة اخرى انا اعرف انه تريد تتمسكن حتى تتمكن بس اتنبه ياجحا ترى كلها ماتفيدك واقسملك بالعراق ياجحا انت تعجبني بامر واحده هو الصرامة وعدم الطائفية وانا احترمك عليهم لكن جماعتك هم مصخوها بالبوك وحزبك هم استلم مقاولات تحولت عليه من الامريكان وحولها بعمولات الى مقاولين ثانويين والوثائق موجودة .
جحا رحت اجتمعت بعناصر مهمة من حزب الذبان بعمان من قيادات واجتمعت بعناصر مهمة مع المعارضة المسلحة بعمان وكان الك لقاء بعد الانتخابات الحالية وي الرئيس بوش مااعرف على شنو اتفقتوا عمي بالعافية عليك بس ليش الوثائق الي هددت بيها قبل مايصير الجعفري رئيس وزراء ماطلعتها على البشر اكو سبب وليش من حاولوا اغتيالك قرب المنطقة الخضراء مافضحتهم وليش السيارة الي ضبطوها محملة سبعة مليارات ورايحة الى ايران عن طريق ميليشية دينية وبفترة حكمك مانشرت الوثائق جحا جاوبني اريد اعرف ليش .
يابه جحا طبعا شكد حاولوا اكبر الميليشيات الدينية بالعراق من تشويه صورتك وزرع بذور الفتنة وحقهم ماالومهم على هذا الشي الان انت تخوف واعرف من اخر محاولة لاغتيالك بالنجف اجتمعت بجميع اعضاء القائمة وكتلهم الي عاجبه حجي يبقى والي ماعاجبه يطلع وكتلهم لو يصل الدم للركاب ماراح ابقي اي ميليشية بالعراق ماعدا البيش مركة بالمناطق الكردية والجماعة كلها وقفت وياك طبعا هاي على اساس انت تستلم رئاسة الوزراء حجيت هذا الحجي .
بس جحا مني الك هدية واقسملك بشرف العراق راح اكلك شي انت ماتعرفه بس والله مو لخاطرك هذا الشي بس لاني مدرك عواقب ماسيحدث اذا تنفذ هذا الشي بوي والله جحا هالمرة مو مثل كل مرة واحتمال ماتسلم الجرة اكو ميليشيتين دينية وانا على علاقة بجميع الاطراف محضرتلك طابع مضبوط واجى الامر بتنفيذ ارقى عملية اغتيال الك وها المرة كان الاجتماع خارج محافظة بغداد واكو شخصين من حزبك اللوكي لامريكا مرتبطين بالجماعة دير بالك هالمرة اكبر حزب ديني قافل عليك يريد يطكك خوش طكه طبعا والشغل هالمرة يختلف عن كل مرة والخطة مضبوطة وماتخر الماية حبيبي جحا صحيح انت عميل لامريكا بس صدقني هاي المرة حتى امريكا ماتعرف شلون راح يتم اغتيالك انا ماجاي اخوفك لا جحا انا فقط جاي اكلك واستفسر زين ترى الجم مطي الي مخليهم منتمين بحزب جحا الديني من جماعتك مكشوفين وماراح يوصلولك اي خبر حقيقي لان هما نفسهم مايعرفون انهم مكشوفين هذه المرة اللعب على كبير اكبر مما تصور والشغلة واصله للستار ولا راح تفيدك امريكا ولا غيرها بوي جحا الكرسي حلو بس ترى الحياة حلوة بس الموت احلى من الحياة بذلة بوي جحا هسه اتقول شلون اصدكك كلامك وانا كلامي كله تطشر واحتمال تقول جذاب مو مشكلة لاتصدقني بس انا نبهتك واريد منك مقابل هذه الخدمة شي واحد اصغير جحا ماريد منك لاتعيين ولا منصب ولافلوس كلها مااشتريها بقندرة هذي الشغلات بس رايد منك تساعد مرضى السرطان مقابل الخدمة الي قدمتها الك صدقيني ماعندي اي واحد من اقاربي او معارفي بيه سرطان بس انا صار قدامي موقف بمستشفى خلاني ابجي على المريض الي باع اثاث بيته وباع كلشي ومات وترك خمس جهال ماعدهم حتى راتب او احد يصرف عليهم حتى بيت ماعنده بسبب سرطان والجماعة بالحكومة سمطوا ابهاتنا بالغاز والبانزين والنفط والاسعار العالية ويطلعون يحجون باسم الموطن الفقير ( اتفوه على هيج حكومة وجذب ) والمريض اله الله بوي الامريكان خوالك بسبب الكيمياوي الي استخدموا على الشعب العراقي وخاصة بالجنوب ظهرت الالاف حالات السرطان والدواء غالي والمعالجة صعبة والناس ماعدها منين جيب حسبالهم الحكومة الجديدة شريفة طلعة ( غزلان وملايين نفس شرفهم مايختلفون عنهم بشي ) عليك ان تنفذ لي الوعد واهم شي مرضى السرطان دكتور جحا شكد انت عميل مضبوط بس صدقني هذه المرة الشغلة حقيقة وقافلين عليك من الابي .
جحا انشر جزء من الوثائق للشعب العراقي اذا انت شريف بس ماتوقع تسويها لان انت هم جاي على الكرسي عمي اضرب براحتك العرك والبيرة .
حكمه الحلقة ( ليس هناك سياسي عراقي يهمه الشعب اكثر من الكرسي )

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل